எந்த ஒரு இயற்கை பேரிடர் வரும்போதும், பொது மக்களுக்கு உதவி செய்வதில் திரையுலக பிரபலங்கள் தான் முதல் நபராக இருப்பார்கள் என்பதை பல உதாரணங்களில் இருந்து நாம் பார்த்திருக்கின்றோம். அந்த வகையில் தற்போது கொரோனா வைரஸ் காரணமாக வேலைக்கு செல்ல முடியாமல் பாதிக்கப்பட்ட சினிமா தொழிலாளர்களுக்கும் பொதுமக்களுக்கும் பிரபல நடிகர் நடிகைகள் தங்களால் முடிந்த உதவியை செய்து வருகின்றனர்

பெப்சி சினிமா தொழிலாளர்களுக்கு ரஜினிகாந்த், கமலஹாசன், சூர்யா, விஜய் சேதுபதி, சிவகார்த்திகேயன், தனுஷ் உள்பட பல நடிகர்கள் லட்சக் கணக்கில் நிதி உதவி செய்துள்ளதும், ஒரு சிலர் அரிசி மூட்டைகளை கொடுத்து உதவி செய்து வருவதும் குறித்த செய்திகளை ஏற்கனவே பார்த்தோம்

இந்த நிலையில் பிரபல தெலுங்கு நடிகரும் அரசியல்வாதியுமான பவன் கல்யாண் அவர்கள் தெலுங்கானா மற்றும் ஆந்திரா மாநில முதலமைச்சர் நிவாரண நிதியாக தலா ரூபாய் 50 லட்ச ரூபாய் கொடுத்துள்ளார். இரு மாநிலங்களுக்கும் அவர் செய்துள்ள இந்த உதவியை சரியான நேரத்தில் செய்யப்பட்ட பேருதவியாக கருதப்படுகிறது. இதேபோல் மற்ற தெலுங்கு நடிகர்களும் விரைவில் முதலமைச்சர் நிவாரண நிதிக்கு அதிகமான நிதியை வழங்குவார்கள் என்று எதிர்பார்க்கப்படுகிறது. இயற்கை பேரிடர்களின் ஒன்றான கொரோனா வைரஸ் அதிகமாக பாதிக்கப்பட்டு வரும் இந்த நேரத்தில் சக மனிதர்களுக்காக உதவிசெய்யும் திரையுலக பிரபலங்களை மனதார பாராட்டுவோம்

I will be donating Rs.50 Lakhs each to both AP and Telangana CM relief funds to fight against Corona pandemic.

— Pawan Kalyan (@PawanKalyan) March 26, 2020