యువ క‌థానాయ‌కుడు నాగ‌శౌర్య ఈ నెల 31న `అశ్వ‌థ్థామ‌` చిత్రంతో ప్రేక్ష‌కుల ముందుకు రాబోతున్న సంగ‌తి తెలిసిందే. ఈ సినిమా ప‌వ‌న్ క‌ల్యాణ్ వాయిస్ ఓవ‌ర్‌తోనే స్టార్ట్ అవుతుంద‌ట‌. అదేంటి? ప‌వ‌న్ ఓ చిన్న సినిమాకు వాయిస్ ఓవ‌ర్ ఇచ్చాడా? అనే సందేహం క‌లిగింది. కానీ అస‌లు విష‌య‌మేమంటే ప‌వ‌న్‌క‌ల్యాణ్ చెప్పిన డైలాగ్‌తోనే సినిమా స్టార్ట్ అవుతుంద‌ట‌. అలా నాగ‌శౌర్య ప‌వ‌న్ ఇమేజ్‌ను తన సినిమాకు ఉప‌యోగించుకోవాల‌ని అనుకున్నాడ‌ట‌. ఈ విష‌యాన్ని శౌర్య రీసెంట్ ఇంట‌ర్వ్యూలో చెప్పాడు.

నాగ‌శౌర్య `అశ్వ‌థ్థామ‌` సినిమాతో ఎమోష‌న‌ల్‌గా క‌నెక్ట్ అయ్యాడ‌ట‌. త‌న ఫ్రెండ్ చెల్లెల‌కు జ‌రిగిన ఓ ఘ‌ట‌న‌ను ఆధారంగా చేసుకుని క‌థ‌ను రాసుకున్నాడ‌ట‌. సినిమా కోసం రాసుకున్న క‌థ బాగా క‌నెక్ట్ అయ్యింద‌ట‌. దాంతో పాటు సినిమా చేసే క్ర‌మంలోనూ దానికి బాగా క‌నెక్ట్ అయ్యాడు. అందుక‌నే బాగా మేకోవ‌ర్ అయ్యి సినిమాలో న‌టించాడ‌ట‌. అంతే కాకుండా చెస్ట్‌పై అశ్వ‌థ్థామ అనే టైటిల్‌ను టాటూగా వేయించుకున్నాడ‌ట‌. ర‌మ‌ణ తేజ డైరెక్ట్ చేసిన ఈ చిత్రంలో మెహ‌రీన్ హీరోయిన్‌గా న‌టిస్తుంది. ఐరా క్రియేష‌న్స్ బ్యాన‌ర్‌పై ఉషా ముల్పూరి ఈ చిత్రాన్ని నిర్మించారు.