500, 1000 నోట్ల ర‌ద్దు చేయ‌డంతో ప్ర‌జ‌లు ఎంత ఇబ్బంది ప‌డుతున్నారో తెలిసిందే. ఇక‌ హాస్ప‌ట‌ల్స్ లో ఉన్న రోగుల కుటుంబ స‌భ్యులు అయితే... నోట్ల ర‌ద్దుతో చాలా ఇబ్బందులు ప‌డుతున్నారు. ఈ విష‌యాన్నిగుర్తించిన జ‌న‌సేన కార్య‌క‌ర్త‌లు ర‌ద్దు నోట్ల‌కు బ‌దులుగా చ‌లామ‌ణిలో ఉన్న నోట్ల ఇచ్చి రోగుల‌కు కొంత వర‌కు ఉప‌శ‌మ‌నం క‌లిగించే ప్ర‌య‌త్నం చేసారు. పంజాగుట్ట‌లోని నిమ్స్ హాస్ప‌ట‌ల్ కి ప్ర‌తి రోజు ఎంతో మంది రోగులు వ‌స్తుంటారు. పెద్ద నోట్ల ర‌ద్దుతో చాలా మంది చిల్ల‌ర కో్సం ప‌డ‌రాని పాట్లు ప‌డుతున్నారు.

ఈ స‌మ‌స్య‌ను గుర్తించిన జ‌న‌సేన కార్య‌క‌ర్త‌లు నిమ్స్ హాస్ప‌ట‌ల్ ఎమ‌ర్జెన్సీ వార్డు ఎదురుగా ఉన్న విశ్రాంతి గ‌దిలో పేద రోగుల కుటుంబ స‌భ్యుల‌ 500,1000 నోట్లు తీసుకుని వాటికి బ‌దులుగా 100 నోట్లు ఇచ్చారు. ఈ విధంగా సుమారు 25,000 రూపాయ‌ల చిన్న నోట్లు పంపిణి చేసారు. జ‌న‌సేన కార్య‌క‌ర్త‌లు చేసిన ఈ మంచిప‌ని గురించి తెలుసుకున్న జ‌న‌సేన అధ్య‌క్షుడు ప‌వ‌న్ క‌ళ్యాణ్ ట్విట్ట‌ర్ లో స్పందిస్తూ....జ‌న‌సేన కార్య‌క‌ర్త‌ల‌ను మ‌న‌స్పూర్తిగా అభినందిస్తున్నాను అని తెలియ‌చేసారు.