முன்னாள் மனைவியின் திருமணத்திற்கு வாழ்த்து கூறிய பிரபல நடிகர்
- IndiaGlitz, [Tuesday,June 26 2018]
தெலுங்கு திரையுலகின் பிரபல நடிகர் பவர்ஸ்டார் பவன்கல்யாணின் முன்னாள் மனைவி ரேணு தேசாய் விரைவில் மறுமணம் செய்யவுள்ளார் என்பதையும் இதனையடுத்து பவன்கல்யாண் ரசிகர்கள் ரேணுவுக்கு சமூக வலைத்தளம் மூலம் மிரட்டல் விடுத்தனர் என்பதையும் ஏற்கனவே பார்த்தோம்.
இந்த நிலையில் தனது முன்னாள் மனைவி ரேணுவின் புதிய வாழ்க்கைக்கு பவன்கல்யாண் வாழ்த்து தெரிவித்துள்ளார். இதுகுறித்து அவர் தனது சமூக வலைத்தள பக்கத்தில் கூறியதாவது, 'செல்வி ரேணு அவர்களின் புதிய மகிழ்ச்சியான வாழ்க்கைக்கு எனது இதயபூர்வமான வாழ்த்துக்கள். அவர் அனைத்து நலன்களும் பெற்று வாழ நான் பிரார்த்தனை செய்கிறேன்' என்று கூறியுள்ளார்.
இந்த நிலையில் இரண்டாவது திருமணம் செய்யக்கூடாது என்று தனக்கு வந்த மிரட்டல்கள் குறித்து கருத்து கூறிய ரேணு தேசாய், 'மிரட்டல் விடுத்த நபர்கள் எப்படி தாயார் மற்றும் சகோதரிகளுடன் வாழ்கின்றார்கள் என்பதே எனக்கு ஆச்சரியமாக உள்ளது. அவர்களுடைய மனநிலையை நினைத்து உண்மையில் நான் கவலைப்படுகிறேன்' என்று கூறியுள்ளார்.
My wholehearted wishes to Ms.Renu garu for entering a new phase of happiness.I wish and pray Almighty & the Mother Nature to bestow upon her abundant health, peace and prosperity.
— Pawan Kalyan (@PawanKalyan) June 26, 2018