ప‌వ‌ర్ స్టార్ ప‌వ‌న్ క‌ళ్యాణ్‌.. ఓ మ‌ల్టీటాలెంటెడ్ ప‌ర్స‌న్ అని ప్ర‌త్యేకంగా చెప్ప‌న‌క్క‌ర్లేదు. క‌థానాయ‌కుడిగానే ప‌రిమితం కాకుండా ర‌చ‌న‌, ద‌ర్శ‌క‌త్వం, గానం.. ఇలా ప‌లు విభాగాల్లో ప‌వ‌న్ రాణించారు. ప‌వ‌న్ పాడిన పాట‌లన్నీ కూడా క్లిక్ అయ్యాయి. ఇక త‌న 25వ చిత్రం అజ్ఞాత‌వాసిలోనూ ఓ పాట పాడారు ప‌వ‌న్‌.

ఈ విష‌యంపై గ‌తంలో ప‌లు వార్త‌లు వినిపించినా.. గురువారం ఈ విష‌యాన్ని త‌న ట్విట్ట‌ర్ ఖాతాలో తెలియ‌జేశారు ఆయ‌న‌. ''అజ్ఞాత‌వాసి కోసం ఇప్పుడే ఓ పాటని పాడ‌డం పూర్తి చేశాను'' అంటూ చిత్ర ద‌ర్శ‌కుడు త్రివిక్ర‌మ్ శ్రీ‌నివాస్‌, సంగీత ద‌ర్శ‌కుడు అనిరుధ్ కాంబినేష‌న్‌లో దిగిన ఫొటోని ట్విట్ట‌ర్‌లో పోస్ట్ చేశారు.

ఈ పాట నూత‌న సంవ‌త్స‌రం కానుక‌గా విడుద‌ల కాబోతుంద‌ని వార్త‌లు వినిపిస్తున్నాయి. అత్తారింటికి దారేది వంటి ఘ‌న‌విజ‌యం త‌రువాత ప‌వ‌న్‌, త్రివిక్ర‌మ్ కాంబినేష‌న్‌లో వ‌స్తున్న సినిమా కావ‌డంతో అజ్ఞాత‌వాసిపై భారీ అంచ‌నాలే ఉన్నాయి. సంక్రాంతి కానుక‌గా జ‌న‌వ‌రి 10న ఈ సినిమా విడుద‌ల కానుంది.