అన్న‌య్య సినిమా పై త‌మ్ముడు కామెంట్..!
- IndiaGlitz, [Saturday,January 07 2017]
మెగాస్టార్ చిరంజీవి న‌టించిన 150వ చిత్రం ఖైదీ నెం 150 సంక్రాంతి కానుక‌గా ఈనెల 11న ప్రపంచ వ్యాప్తంగా ప్రేక్ష‌కుల ముందుకు వ‌స్తుంది. ఈరోజు ఖైదీ నెం 150 ప్రీ రిలీజ్ ఫంక్ష‌న్ సినీ ప్ర‌ముఖులు, అభిమానుల స‌మ‌క్షంలో భారీ స్ధాయిలో జ‌రుగుతుంది. అయితే...ఈ వేడుక‌కు ప‌వ‌ర్ స్టార్ పవన్ కళ్యాణ్ హాజ‌ర‌వుతారా..? లేదా..? అనేది ఆస‌క్తిగా మారింది.
ఈ నేప‌ధ్యంలో పవన్ కళ్యాణ్ ట్విట్ట‌ర్ లో అన్న‌య్య ఖైదీ నెం 150 మూవీ గురించి ట్వీట్ చేయ‌డం విశేషం. ఇంత‌కీ పవన్ ఏమ‌ని ట్వీట్ చేసారంటే....చ‌ర‌ణ్, మా వ‌దిన సురేఖ గారి నిర్మాణంలో తొలి చిత్ర‌మే చిరంజీవి గారి 150వ చిత్రం కావ‌డం నాకు చాలా ఆనందంగా ఉంది. ఖైదీ నెం 150 ప్రేక్ష‌కుల‌ను అల‌రిస్తుంద‌ని న‌మ్ముతున్నాను. ఈ చిత్రంలోని న‌టీన‌టుల‌కు, సాంకేతిక నిపుణుల‌కు నా మ‌నఃపూర్వ‌క శుభాకాంక్ష‌లు అని తెలిపారు.