2018కి పవన్.. 2019కి చిరు
- IndiaGlitz, [Saturday,October 28 2017]
2018 సంక్రాంతికి ప‌వ‌ర్ స్టార్ పవన్ క‌ళ్యాణ్ త‌న కొత్త చిత్రంతో సంద‌డి చేయ‌బోతున్న సంగ‌తి తెలిసిందే. త్రివిక్ర‌మ్ దర్శకత్వంలో రూపొందుతున్న ఈ సినిమా ప‌వ‌న్‌కి న‌టుడిగా 25వ చిత్రం కావ‌డం విశేషం. కాగా, 2019 సంక్రాంతి బ‌రిలోకి ఆయన సోద‌రుడు మెగాస్టార్ చిరంజీవి దిగే అవ‌కాశ‌ముంద‌ని వార్త‌లు వినిపిస్తున్నాయి.
ఈ సంక్రాంతికి త‌న రీఎంట్రీ మూవీ ఖైదీ నెం.150తో సంచ‌ల‌న విజ‌యం అందుకున్న చిరు.. త‌న త‌దుప‌రి చిత్ర‌మైన సైరా న‌ర‌సింహారెడ్డిని కూడా సంక్రాంతికే తీసుకువ‌చ్చే దిశ‌గా ఆలోచిస్తున్నార‌ని ఫిల్మ్నగర్ వ‌ర్గాలు ముచ్చ‌టించుకుంటున్నాయి. డిసెంబ‌ర్ నుంచి రెగ్యుల‌ర్ షూటింగ్ జ‌రుపుకోనున్న ఈ సినిమాని ఆయన త‌న‌యుడు రామ్‌చ‌ర‌ణ్ ప్ర‌తిష్ఠాత్మ‌కంగా నిర్మిస్తున్నారు.
సురేంద‌ర్ రెడ్డి దర్శకత్వంలో రూపొందనున్న ఈ చిత్రంలో అమితాబ్ బ‌చ్చ‌న్‌, న‌య‌న‌తార, జ‌గ‌ప‌తిబాబు, సుదీప్‌, విజ‌య్ సేతుప‌తి తదితరులు ఇత‌ర ముఖ్య పాత్రల్లో న‌టించనున్నారు. ఈ సినిమాకి ఎ.ఆర్‌.రెహ‌మాన్ సంగీత‌మందించ‌నుండ‌గా.. ర‌త్న‌వేలు ఛాయాగ్ర‌హ‌ణం అందించ‌నున్నారు. ప్ర‌స్తుతం ఈ సినిమాకి సంబంధించిన సెట్స్ నిర్మాణం జ‌రుగుతోంద‌ని తెలిసింది.