ప‌వ‌ర్ స్టార్ ప‌వ‌న్ క‌ళ్యాణ్ పుట్టిన రోజు నేడు. ఈ సంద‌ర్భంగా అత‌ని 25వ చిత్రం కాన్సెప్ట్ లుక్‌ని రిలీజ్ చేసిన చిత్ర‌బృందం.. ఓ మ్యూజిక‌ల్ స‌ర్‌ప్రైజ్‌ని కూడా ఇచ్చింది. అందులో జ‌న‌వ‌రి 10న సినిమా రిలీజ్ కానున్న‌ట్లు క్లూ కూడా ఇచ్చారు. విశేష‌మేమిటంటే.. ప‌వ‌న్ గ‌త సంక్రాంతి చిత్రం 'గోపాల గోపాల' కూడా అదే తేదిన విడుద‌లైంది. మ‌ళ్లీ మూడేళ్ల త‌రువాత అదే రోజున ప‌వ‌న్ 25వ చిత్రం విడుద‌ల కానుండ‌డం విశేషం.

త్రివిక్ర‌మ్ ద‌ర్శ‌క‌త్వంలో రూపొందుతున్న ఈ చిత్రంలో కీర్తి సురేష్‌, అను ఎమ్మానియేల్ హీరోయిన్లుగా న‌టిస్తున్నారు. కోలీవుడ్ మ్యూజిక్ సెన్సేష‌న్ అనిరుధ్ సంగీత‌మందిస్తున్నాడు. 'జ‌ల్సా', 'అత్తారింటికి దారేది' వంటి హిట్స్ త‌రువాత ప‌వ‌న్‌, త్రివిక్ర‌మ్ కాంబినేష‌న్‌లో వ‌స్తున్న సినిమా కావ‌డంతో ఈ చిత్రంపై భారీ అంచ‌నాలే ఉన్నాయి.