యనైటెడ్ కింగ్ డమ్ తెలుగు సంఘం (యుక్తా) వార్షికోత్సవ వేడుకలకు పవన్ కళ్యాణ్
- IndiaGlitz, [Wednesday,July 06 2016]
ఈనెల 9వ తేదీన జ‌ర‌గ‌నున్న యనైటెడ్ కింగ్ డమ్ తెలుగు సంఘం (యుక్తా) వార్షికోత్సవ వేడుక‌ల్లో ముఖ్య అతిథిగా పాల్గొన‌డానికి ప్ర‌ఖ్యాత సీని న‌టుడు పవన్ కళ్యాణ్ లండ‌న్ బ‌య‌ల‌దేర‌నున్నారు. స్ధానిక తూర్పు లండ‌న్ లో గ‌ల ట్రాక్సీ థియేట‌ర్ లో జ‌ర‌గ‌నున్న ఈ వేడుక‌ల్లో సుమారు రెండు వేల మంది ప్ర‌వాస తెలుగు వారు పాల్గొంటార‌ని నిర్వాహ‌కులు తెలిపారు.
పవన్ మొద‌టిసారిగా లండ‌న్ విచ్చేయ‌నున్న సంద‌ర్భంగా అభిమానులు భారీ ఎత్తున స్వాగ‌త ఏర్పాట్లు చేస్తుండ‌డంతో ఈ ప్ర‌యాణం ప్రాధాన్య‌త సంత‌రించుకుంటుంది. కూచిపూడి నాట్యారామం క‌ళాకారుల‌ను, సంప్ర‌దాయ కూచిపూడి క‌ళాకారుల‌ను, తెలంగాణ సంప్ర‌దాయాన్ని యూర‌ప్ తెలుగు దిక్కులా చాటుతున్న ప్ర‌ఖ్యాత జాన‌ప‌ద, సినీ గాయ‌కుడు గ‌బ్బ‌ర్ సింగ్ ఫేమ్ వ‌డ్డేప‌ల్లి శ్రీనివాస్ బృందాన్ని స‌త్క‌రించి అభిమానుల‌ను ఉద్దేశించి పవన్ ప్ర‌సంగిస్తార‌ని యుక్తా అధికార ప్ర‌తినిధి తెలియ‌చేసారు.
పవన్ కళ్యాణ్ శుక్ర‌వారం బ‌య‌లుదేరి లండ‌న్ చేరుకుంటార‌ని, శ‌నివారం ఈ వేడుక‌ల్లో పాల్గొని అభిమానుల‌తో గ‌డ‌ప‌నున్నార‌ని పాత్రికేయుల స‌మావేశంలో ఈరోజు తెలియ‌చేసారు.