పవన్ శైలి మారుతోందా?
- IndiaGlitz, [Monday,April 11 2016]
పవన్ కళ్యాణ్ ఇప్ప‌టివ‌ర‌కు నటించిన సినిమాల‌ను గ‌మ‌నిస్తే ఓ విష‌యం అర్థ‌మ‌వుతుంది. అదేమిటంటే.. అతనితో ఏ ద‌ర్శ‌కుడు మూడు సినిమాల‌కు ప‌నిచేయ‌క‌పోవ‌డం. ఇక రెండో సినిమాల‌కు ప‌నిచేసిన వాళ్లంద‌రిని గ‌మ‌నిస్తే.. అంత‌కుముందు అతనితో క‌చ్చితంగా హిట్ ఇవ్వ‌డం వ‌ల్లే ఆ అవ‌కాశాన్ని ద‌క్కించుకున్నారు.
అయితే తన శైలికి భిన్నంగా త‌న‌తో చేసిన గత చిత్రం ఫెయిలైనా మరో అవ‌కాశం ఇస్తున్నాడు పవన్. ఆ అవ‌కాశం ఇచ్చేది మ‌రెవ‌రికో కాదు ఎస్‌.జె.సూర్య కి. 'పులి' వంటి డిజాస్ట‌ర్ త‌రువాత సూర్య దర్శకత్వంలో పవన్ మరో చిత్రం చేయ‌నున్నాడు. గ‌తంలో 'ఖుషి' అనే హిట్ చిత్రం ఈ కాంబినేషన్లో ఉండ‌డ‌మే స‌ద‌రు ద‌ర్శ‌కుడికి ఈ మూడో ఆఫ‌ర్ రావ‌డానికి కార‌ణ‌మ‌ని ప్ర‌త్యేకంగా చెప్ప‌క్క‌ర్లేదు. అలాగే ద‌ర్శ‌కుడు త్రివిక్ర‌మ్‌తో కూడా జ‌ల్సా, అత్తారింటికి దారేది త‌ర్వాత మరో సినిమా చేయ‌బోతున్నాడు.
ఏదేమైనా త‌మ కాంబినేష‌న్‌లోని గత చిత్రం హిట్ లిస్ట్‌లో ఉంటేనే ఆఫ‌ర్ ఇచ్చే పవన్.. ఫ్లాప్ ఉన్నా ఛాన్స్ ఇవ్వ‌డం చూస్తే పవన్ శైలి మారుతోంద‌ని భావించ‌క త‌ప్ప‌దేమో. ప‌వ‌న్‌తో ముచ్చ‌ట‌గా మూడోసారి సినిమా చేస్తున్న మొద‌టి ద‌ర్శ‌కుడుగా సూర్య ప్ర‌త్యేక క్రెడిట్‌ని సొంతం చేసుకున్న‌ట్లే.. గత చిత్రం ఫ్లాప‌యినా తన ఫేవ‌రేట్ హీరోతో తాజా చిత్రం కోసం హిట్ ని సొంతం చేసుకుంటాడేమో చూడాలి.