ప‌వ‌ర్ స్టార్ ప‌వ‌న్ క‌ళ్యాణ్ స‌ర్ధార్ గ‌బ్బ‌ర్ సింగ్ సినిమా అనుకున్న డేట్ కి రిలీజ్ చేయ‌డం కోసం డే అండ్ నైట్ హార్డ్ వ‌ర్క్ చేస్తున్నారు. ఈనెల 20న స‌ర్ధార్ ఆడియో రిలీజ్ చేసారు. ఏప్రిల్ 8 సినిమా రిలీజ్ ని ఎనౌన్స్ చేసారు. కానీ..ఇంకా రెండు పాట‌లు చిత్రీక‌రించాలి. త‌క్కువ టైంలోనే రెండు పాట‌లు చిత్రీక‌రించాలి. ఎడిటింగ్ చేయాలి..సెన్సార్ పూర్తి చేయాలి...ఇలా చాలా వ‌ర్క్ ఉంది. అయితే ప‌వ‌న్ మొండోడు. అనుకున్నానంటే జ‌రిగి తీరాల్సిందే అంటాడు.

ఇంత‌కీ సినిమా రిలీజ్ కి ప‌వ‌న్ ప్లాన్ ఏమిటంటే...ఆడియో రిలీజ్ నెక్ట్స్ డే స‌ర్ధార్ టీమ్ రెండు పాట‌ల చిత్రీక‌ర‌ణ కోసం స్విట్జార్లాండ్ వెళ్లారు. ఆరు రోజుల్లోనే రెండు పాట‌లు చిత్రీక‌రించాలి అని ప్లాన్. అంటే ఈనెల 27కి రెండు పాట‌ల చిత్రీక‌ర‌ణ పూర్తి చేయాల‌ని టార్గెట్. ఆత‌ర్వాత ఈనెల 29కి హైద‌రాబాద్ చేరుకుంటారు. టాకీ పార్ట్ అండ్ డ‌బ్బింగ్ పూర్త‌య్యింది. అందుచేత‌ సిటీకి వ‌చ్చిన వెంట‌నే రెండు పాట‌ల ఎడిటింగ్ పూర్తి చేసి సెన్సార్ కి అప్లై చేయాలి. ఏప్రిల్ 1 కుద‌ర‌క‌పోతే ఏప్రిల్ 2న సెన్సార్ కార్య‌క్ర‌మాలు పూర్తి చేయాలి. ఏప్రిల్ 8న స‌ర్ధార్ గ‌బ్బ‌ర్ సింగ్ ప్ర‌పంచ వ్యాప్తంగా రిలీజ్ చేయాలి. ఇది ప‌వ‌న్ ప్లాన్.