నాసా కాంటెస్ట్ లో పాల్గొన్న విద్యార్థులను పవన్ అభినందన
- IndiaGlitz, [Sunday,September 01 2019]
భూ భారం మూలంగ భవిష్యత్తులో ఉత్పన్నమయ్యే ప్రమాదాలు అంశం పై నాసా స్పేస్ సెటిల్ మెంట్ కాంటెస్ట్ లో పాల్గొన్న విద్యార్థులు జనసేనాని పవన్ కళ్యాణ్ ను కలిశారు. విద్యార్థినులు మేణ్ణి లీలా విష్ణుజ్యోతి, తులసి శ్యామల తమ కుటుంబ సభ్యులతో కలిసి మాట్లాడారు. ఈ సందర్భంగా నాసా విశేషాలను అడిగి తెలుసుకున్నారు పవన్.
తదుపరి ప్రాజెక్ట్ ల కోసం పార్టీ తరపున ల్యాప్ టాప్ లు అందిస్తామని... భవిష్యత్తులో అమెరికా వెళ్లేందుకు అవసరమైన సహాయసహకారాలు అందిస్తామని హామీ ఇచ్చారు. సెప్టెంబరు 5న ల్యాప్ టాప్ లు అందిస్తామన్నారు. ఈ సందర్భంగా విద్యార్థినులు ఆలపించిన భగవద్గీత శ్లోకాలను శ్రద్ధగా ఆలకించిన పవన్ అభినందించారు.