పవన్, త్రివిక్ర‌మ్.. సేమ్ టు సేమ్
- IndiaGlitz, [Thursday,October 26 2017]
ప‌వ‌ర్ స్టార్ పవన్ క‌ళ్యాణ్‌, ఏస్ డైరెక్ట‌ర్ త్రివిక్ర‌మ్ శ్రీ‌నివాస్ కాంబినేష‌న్‌లో వ‌చ్చిన తొలి చిత్రం జ‌ల్సా. 2008లో వ‌చ్చిన ఈ చిత్రం బాక్సాఫీస్ వ‌ద్ద క‌లెక్ష‌న్ల వ‌ర్షం కురిపించింది. ఖుషి త‌రువాత స‌రైన విజ‌యం లేని ప‌వ‌న్‌కి మ‌ళ్లీ స‌క్సెస్‌ని అందించింది. ఆ సినిమా త‌రువాత మ‌ళ్లీ ఐదేళ్ల త‌రువాత వీరి కాంబినేష‌న్‌లో వ‌చ్చిన సినిమా అత్తారింటికి దారేది. 2013లో ప్రేక్ష‌కుల ముందుకొచ్చిన ఈ ఫ్యామిలీ ఓరియెంటెడ్ మూవీ.. ఇండ‌స్ట్రీ హిట్‌గా నిలిచింది. అలాంటి ఈ కాంబినేష‌న్‌లో ముచ్చ‌ట‌గా మూడో సినిమా రానుంది. విశేష‌మేమిటంటే.. అత్తారింటికి దారేది చిత్రం విడుద‌లైన ఐదేళ్ల‌కు అంటే.. 2018లో ఈ సినిమా రానుంది.
మ‌రి.. ఐదేళ్ల‌కో ఓ సారి వ‌స్తున్న ఈ కాంబినేష‌న్‌.. ముచ్చ‌ట‌గా మూడోసారి మ్యాజిక్ రిపీట్ చేస్తుందేమో చూడాలి. అన్న‌ట్టు.. జ‌ల్సా, అత్తారింటికి దారేది చిత్రాల త‌ర‌హాలోనే ఈ సినిమాలో కూడా ఇద్ద‌రు హీరోయిన్స్ న‌టిస్తున్నారు. కీర్తి సురేష్‌, అను ఇమ్మానియేల్ క‌థానాయిక‌లుగా న‌టిస్తున్న ఈ చిత్రానికి అనిరుద్ సంగీత‌మందిస్తున్నాడు. సంక్రాంతి కానుక‌గా జ‌న‌వ‌రి 10న విడుద‌ల కానుందీ చిత్రం. కాగా.. ఈ సినిమా తాజా షెడ్యూల్ బ‌ల్గేరియాలో జ‌రుగ‌నుంది. ఈ నెల 29న మొద‌ల‌య్యే ఈ షెడ్యూల్ 15 రోజుల పాటు జ‌రుగ‌నుంద‌ని తెలిసింది.