ప‌వ‌ర్‌స్టార్ ప‌వ‌న్‌క‌ల్యాణ్‌, కీర్తిసురేష్‌, అను ఇమ్మాన్యుయేల్ హీరో హీరోయిన్లుగా రూపొందుతోన్న చిత్రం 'అజ్ఞాత‌వాసి'. త్రివిక్ర‌మ్ శ్రీనివాస్ ద‌ర్శ‌కుడు. హారిక అండ్ హాసిని క్రియేష‌న్స్ బ్యాన‌ర్‌పై ఎస్‌.రాధాకృష్ణ సినిమాను నిర్మిస్తున్నారు. సంక్రాంతి సంద‌ర్భంగా సినిమా జ‌న‌వ‌రి 10న విడుద‌ల కాబోతుంది. జ‌ల్సా, అత్తారింటికి దారేది చిత్రాల త‌ర్వాత ప‌వ‌న్‌, త్రివిక్ర‌మ్ కాంబినేష‌న్‌లోరానున్న సినిమా కావ‌డంతో సినిమాపై భారీ అంచ‌నాలు నెల‌కొన్నాయి.

సాధార‌ణంగా ప‌వ‌న్ సినిమా అంటే రికార్డులు బ్రేకులే..అలాంటిది త్రివిక్ర‌మ్ ద‌ర్శ‌క‌త్వంలో సినిమా అంటే తిరుగులేద‌నేది స్ప‌ష్టం. ఇప్పుడు ఈ సినిమాపై ఉన్న అంచ‌నాల‌కు ధీటుగా సినిమా విడుద‌ల‌వుతుంది.

ముఖ్యంగా సినిమా యు.ఎస్‌లో 209 స్క్రీన్స్‌లో విడుద‌ల కానుండ‌టం గ‌మ‌నార్హం. ఇప్ప‌టి వ‌ర‌కు బాహ‌బ‌లి మాత్రం 126 స్క్రీన్స్‌లో విడుద‌లైంది. ఇప్పుడు ప‌వ‌న్ సినిమా ఆ రికార్డును బ్రేక్ చేస్తూ 209 స్క్రీన్స్‌లో విడుద‌ల‌వుతుంది. మ‌రి విడుద‌ల త‌ర్వాత ఎన్ని రికార్డులు క్రియేట్ చేయ‌నుందో మ‌రి.