ప‌వ‌ర్‌స్టార్ ప‌వ‌న్‌క‌ల్యాణ్ రీసెంట్‌గా సినిమాల్లోకి రీ ఎంట్రీ ఇచ్చిన సంగ‌తి తెలిసిందే. బాలీవుడ్ చిత్రం `పింక్‌` సినిమా తెలుగు రీమేక్‌లో ప‌వ‌న్ న‌టిస్తున్నారు. అయితే అధికారికంగా ప‌వ‌న్‌క‌ల్యాణ్ సినిమా చేస్తున్నార‌ని వార్త‌లు రాన‌ప్ప‌టికీ ఆయ‌న షూటింగ్ మాత్రం సైలెంట్‌గా పూర్తి చేసేస్తున్నారు. తాజాగా ప‌వ‌న్ మ‌రో సినిమా లాంఛ‌నంగా ప్రారంభ‌మైంది. దీనికి సంబంధించి కూడా అధికారిక స‌మాచారం మాత్రం వెలువ‌డ‌లేదు. కానీ అన‌ధికారికంగా ప‌వ‌న్ 27 ప్రారంభ‌మైంది. క్రిష్ ద‌ర్శ‌క‌త్వంలో తెర‌కెక్క‌బోతున్న ఈ సినిమాను ఎ.ఎం.ర‌త్నం నిర్మిస్తున్నారు.

హైద‌రాబాద్ అల్యూమినియం ఫ్యాక్ట‌రీలో ఈ సినిమా కోసం భారీ సెట్స్ వేశార‌ట‌. ఫిబ్ర‌వ‌రి 4 నుండి రెగ్యుల‌ర్ షూటింగ్ ప్రారంభం అవుతుంద‌ట‌. తొలి షెడ్యూల్ చిత్రీక‌ర‌ణ‌లో ప‌వ‌న్ పాల్గొన‌డం లేదు. నెక్ట్స్ షెడ్యూల్ ప్రారంభం అయ్యే లోపు ప‌వ‌న్ `పింక్` రీమేక్‌లో త‌న పార్ట్‌ను పూర్తి చేసేసుకుంటాడ‌ట‌. త‌ర్వాత క్రిష్ అండ్ టీమ్‌తో జాయిన్ అవుతాడ‌ట‌. పీరియాడిక‌ల్ డ్రామాగా రూపొందుతోన్న ఈ చిత్రంలో ప‌వ‌న్ రాబిన్ హుడ్ త‌ర‌హా పాత్ర‌లో క‌నిపించ‌బోతున్నాడ‌ట‌. ఈ చిత్రంలో ప్ర‌గ్యా జైస్వాల్ హీరోయిన్‌గా న‌టించే అవ‌కాశాలున్నాయ‌ని వార్తలు విన‌ప‌డుతున్నాయి.