ஹாலிவுட்டில் சூப்பர்ஹிட்டான ’ஃபாஸ்ட் அண்ட் ஃப்யூரியஸ்’ படத்தில் முக்கிய கேரக்டரில் நடித்த நடிகர் பால்வாக்கரின் மகள் திருமண நிச்சயதார்த்தம் நடந்துள்ளதாக வெளிவந்திருக்கும் செய்தி ரசிகர்களுக்கு பெரும் இன்ப அதிர்ச்சியாகியுள்ளது.

ஹாலிவுட்டில் மட்டுமின்றி உலகம் முழுவதும் ’ஃபாஸ்ட் அன் பியூரியஸ்’ படத்தின் அத்தனை பாகங்களும் சூப்பர் ஹிட் ஆகியது என்பதும் கோடிக்கணக்கில் வசூல் குவித்தது என்பதும் தெரிந்ததே. இந்த படத்தில் வின் டீசல் மற்றும் பால் வாக்கர் ஆகிய இருவரும் முக்கிய வேடங்களில் நடித்திருந்தார் என்பது குறிப்பிடத்தக்கது.

இந்த நிலையில் ’ஃபாஸ்ட் அன் ஃபியூரியஸ்’ திரைப்படத்தின் ஏழாம் பாகம் உருவாகிக் கொண்டிருக்கும் போதே கார் விபத்து ஒன்றில் பால் வாக்கர் அகால மரணமடைந்தார். அவரது மறைவு அவரது ரசிகர்களுக்கு மிகப்பெரிய அதிர்ச்சியை ஏற்படுத்தியது என்பது குறிப்பிடத்தக்கது.

இந்த நிலையில் தற்போது பால் வாக்கரின் மகள் மேடோ ரெயின் வாக்கர் என்பவர் தனக்கு திருமணம் நிச்சயதார்த்தம் முடிந்து விட்டதாகவும் தனக்கு நிச்சயம் செய்யப்பட்டவர் ஒரு அமெரிக்க நடிகர் என்றும் தனது சமூக வலைத்தளத்தில் குறிப்பிட்டுள்ளார். மேலும் இது குறித்து அவர் நீச்சல் குளத்தில் இருந்தபடி தெரிவிக்கும் வீடியோ ஒன்றையும் பதிவு செய்துள்ள நிலையில் அந்த வீடியோ தற்போது வைரல் ஆகி வருகிறது என்பது குறிப்பிடத்தக்கது.

View this post on Instagram

A post shared by Meadow Walker (@meadowwalker)