பிரபல இயக்குனர் பாண்டிராஜ் அவர்களின் தயாரிப்பு நிறுவனத்தின் அடுத்த படத்தின் டைட்டில் குறித்த விபரங்கள் இன்று மாலை அறிவிக்கப்படும் என ஏற்கனவே செய்திகள் வெளிவந்த நிலையில் இந்த படத்தின் டைட்டில் தற்போது அறிவிக்கப்பட்டுள்ளது.

கடந்த ஆண்டு உலகையே திரும்பி பார்க்க வைத்த புரட்சி மெரினாவில் இளைஞர்கள் நடத்திய ஜல்லிக்கட்டு போராட்டம். இதனை மையமாக வைத்து 'மெரினா புரட்சி' என்ற டைட்டில் அறிவிக்கப்பட்டுள்ளது. மேலும் இந்த படத்தின் போஸ்டரில் இருந்தே இந்த படத்தின் கதை மெரினாவில் நடந்த புரட்சியை பற்றியது என்று தெள்ளத்தெளிவாக புரிகிறது.

பாண்டியராஜ் அவர்களின் பசங்க புரடொக்சன்ஸ் தயாரிக்கும் இந்த படத்தை எம்.எஸ்.ராஜ் இயக்கவுள்ளார். வேல்ராஜ் ஒளிப்பதிவில், அல்ருபியான் இசையில், தீபக் படத்தொகுப்பில் இந்த படம் உருவாகவுள்ளது. இந்த படத்தில் நடிக்கும் நடிகர் நடிகைகளுடன் கூடிய டிரைலர் மிக விரைவில் வெளியாகும் என்று அறிவிக்கப்பட்டுள்ளது. இந்த படத்தின் போஸ்டரை நடிகர் சிவகார்த்திகேயன் தனது சமூக வலைத்தளத்தில் வெளியிட்டுள்ளார்.