இயக்குனர் பாண்டியராஜன் இயக்கத்தில் உருவான முதல் திரைப்படமான ’பசங்க’ திரைப்படம் மிகப் பெரிய வெற்றி பெற்றது என்பதும் விமல் கதாநாயகனாக நடித்துள்ள இந்த படத்தில் கிஷோர், ஸ்ரீராம் மற்றும் பாண்டியன் ஆகிய மூவரும் குழந்தை நட்சத்திரமாக நடித்து இருந்தனர் என்பதும் தெரிந்ததே.

சிறந்த குழந்தை நட்சத்திரத்திற்கான தேசிய விருது பெற்ற இந்த படம் வசூலை வாரி குவித்தது என்பதும் 13 ஆண்டுகளுக்கு முன்பே இந்த படம் ரூ.11 கோடி வசூல் செய்தது என்பது குறிப்பிடதக்கது.

இந்த நிலையில் இந்த படத்தில் குழந்தை நட்சத்திரமாக நடித்த கிஷோர், ஸ்ரீராம், பாண்டியன் ஆகிய மூவருமே தற்போது ஒரு சில படங்களில் நடித்து வரும் நிலையில் கிஷோர் தனது காதலியின் புகைப்படத்தை வெளியிட்டு அவருக்கு பிறந்தநாள் வாழ்த்துக்களை தெரிவித்துள்ளார்.

கிஷோர் தற்போது இளைஞன் ஆகியுள்ள நிலையில் அவர் விஜய் டிவியில் ஒளிபரப்பான ’ஆபீஸ்’ என்ற சீரியலில் நடித்த ப்ரீத்தி குமாரை காதலித்து வருகிறார். கடந்த சில ஆண்டுகளாக இருவரும் காதலித்து வரும் நிலையில் விரைவில் இவர்களது திருமணம் நடைபெறவிருப்பதாக கூறப்படுகிறது.

இதுகுறித்து கிஷோர் தனது இன்ஸ்டாகிராம் பக்கத்தில் கூறியிருப்பதாவது: நமது திருமண நாளை எதிர்பார்த்து காத்திருக்கிறேன். அடுத்த ஆண்டு நாம் இருவரும் கணவன் மனைவியாக சேர்ந்து பிறந்த நாளை கொண்டாடுவோம் , லவ் யூ. என்று தெரிவித்துள்ளார். இந்த பதிவு தற்போது வைரலாகி வருகிறது.

View this post on Instagram

A post shared by Kishore Shanthi Dhinakaran (@ksd_offl)