యువ‌త‌, సోలో చిత్రాలు త‌ర్వాత డైరెక్ట‌ర్ ప‌రుశురాంకు ఆంజ‌నేయులు, సారొచ్చారు చిత్రాలు ఆశించినంత స‌క్సెస్‌ను తెచ్చిపెట్ట‌లేక‌పోయాయి. 2012 త‌ర్వాత ద‌ర్శ‌కుడు ప‌రుశురాం నాలుగేళ్ల గ్యాప్ త‌ర్వాత చేసిన సినిమాయే శ్రీర‌స్తు శుభ‌మ‌స్తు. గుడ్ ఫ్యామిలీ ఎంట‌ర్ టైన‌ర్‌గా ప్రేక్ష‌కుల మ‌న్న‌లు అందుకున్న ఈ చిత్రంలో అల్లు శిరీష్‌, లావ‌ణ్య‌, ప్ర‌కాష్ రాజ్‌, రావు ర‌మేష్ లు ప్ర‌ధాన తారాగ‌ణంగా న‌టించారు.

గీతాఆర్ట్స్ బ్యాన‌ర్‌పై అల్లు అర‌వింద్ ఈ చిత్రాన్ని నిర్మించారు. ప‌రుశురాం వ‌ర్కింగ్ స్ట‌యిల్‌ను గ‌మ‌నించిన నిర్మాత అల్లు అర‌వింద్, శ్రీర‌స్తు శుభ‌మ‌స్తు చిత్రం విడుద‌ల‌కు 40 రోజుల ముందే గీతాఆర్ట్స్ బ్యాన‌ర్‌లో మ‌రో సినిమా చేయ‌మ‌ని ఆఫ‌ర్ ఇచ్చాడ‌ట‌. ఈ విష‌యాన్ని ద‌ర్శ‌కుడు ప‌రుశురాం తెలియ‌జేశాడు. మ‌రి ప‌రుశురాం ఈసారి ఎలాంటి క‌థతో గీతాఆర్ట్స్ లో సినిమాను రూపొందిస్తాడో చూడాలి.