నటసింహ నందమూరి బాలకృష్ణ హీరోగా వి.వి.వినాయక్ దర్శకత్వంలో ఓ సినిమా రూపొందుతున్న విషయం తెలిసిందే. ప్ర‌ముఖ‌ నిర్మాత సి.కల్యాణ్ నిర్మిస్తున్న ఈ చిత్రం ప్రస్తుతం ప్రీ-ప్రొడక్షన్ పనులు జ‌రుపుకుంటోంది. కాగా ఈ చిత్రాన్ని ఈ నెల 27న ప్రారంభించ‌నున్నారు. నిరవధికంగా చిత్రీకరణను జ‌రిపి.. వచ్చే ఏడాది సంక్రాంతికి ప్రేక్షకుల ముందుకు తీసుకురావడానికి దర్శకనిర్మాతలు ప్లాన్ చేస్తున్నారు.

ఇదిలా ఉంటే.. ఈ సినిమాకి పరుచూరి బ్రదర్స్ సంభాషణలు అందిస్తున్నట్లు సమాచారం. గతంలో బాలకృష్ణ నటించిన ఎన్నో విజయవంతమైన చిత్రాలకు ఈ ద్వయం మాటలను అందించారు. అలాగే.. బాలయ్య, వినాయక్ కాంబినేషన్‌లో వచ్చిన ‘చెన్నకేశవరెడ్డి’ సినిమాకి కూడా వీరే సంభాషణలు రాయడం విశేషం. వీరి క‌లం నుంచి వచ్చే పవర్‌ఫుల్ డైలాగ్స్‌కి బాలయ్య నటన తోడైతే థియేటర్‌లలో అభిమానుల ఆనందానికి హ‌ద్దు ఉండ‌ద‌న‌డంలో ఎలాంటి అతిశ‌యోక్తి లేదు.