பார்த்திபனின் 'கோடிட்ட இடங்களை நிரப்புக' படத்தின் நாயகன் - நாயகி
- IndiaGlitz, [Wednesday,September 28 2016]
'கதை திரைக்கதை வசனம் இயக்கம்' படத்தை அடுத்து பார்த்திபன் இயக்கி வரும் படம் 'கோடிட்ட இடங்களை நிரப்புக' என்பது அனைவரும் அறிந்ததே. இந்த படத்தின் படப்பிடிப்பு நாயகன், நாயகி முடிவு செய்யமலேயே நடந்து வந்த நிலையில் தற்போது இதுகுறித்த அறிவிப்பை பார்த்திபன் வெளியிட்டுள்ளார்.
இந்த படத்தில் தனது குரு கே.பாக்யராஜின் மகன் சாந்தனுவை அவர் நாயகனாகவும், பார்வதி நாயரை நாயகியாகவும் பார்த்திபன் தேர்வு செய்துள்ளார். இந்த படத்திற்கு புதுமுக நாயகன் தான் பொருத்தமாக இருப்பார் எனினும், கடந்த சில வருடங்களாக ஒரே ஒரு வெற்றிக்கு போராடி வரும் சாந்தனுவுக்கு உதவும் நோக்கத்தில் அவரை ஹீரோவாக தேர்வு செய்ததாகவும், இதுவே தனது குரு கே.பாக்யராஜ் அவர்களுக்கு செய்யும் தனது நன்றி என்றும் அவர் தெரிவித்துள்ளார்.
'என்னை அறிந்தால்', உத்தம வில்லன் போன்ற படங்களில் நடித்துள்ள பார்வதி நாயர் இந்த படத்தின் நாயகி கேரக்டருக்கு பொருத்தமாக இருந்ததால் அவரை தேர்வு செய்ததாக பார்த்திபன் மேலும் கூறியுள்ளார்.