பார்த்திபனின் அடுத்த பட டைட்டில் இதுதானா? இதுவரை யாரும் தொடாத வித்தியாசமான கதை..!
- IndiaGlitz, [Tuesday,June 13 2023]
தமிழ் திரை உலகின் வித்தியாசமான நடிகர் மற்றும் இயக்குனர் பார்த்திபனின் அடுத்த படம் குறித்த டைட்டில் தற்போது வெளியாகி உள்ளது.
நடிகர் இயக்குனர் பார்த்திபன் சமீபத்தில் ’ஒத்த செருப்பு’ மற்றும் ’இரவின் நிழல்’ ஆகிய இரண்டு வித்தியாசமான படங்களை இயக்கி இந்திய திரை உலகை திரும்பி பார்க்க வைத்தார் என்பது தெரிந்ததே.
இந்த நிலையில் அவருடைய அடுத்த படத்தின் படப்பிடிப்பு விறுவிறுப்பாக நடைபெற்று வருகிறது. இந்த நிலையில் இந்த படத்தின் டைட்டில் TEEN என்று வைக்கப்பட்டுள்ளதாக தகவல் வெளியாகி உள்ளன. இந்த படத்தின் கதை 13 முதல் 15 வயது வரை உள்ள சிறுவர் சிறுமிகளின் மன ஓட்டத்தை சொல்லும் கதை அம்சம் என்று கூறப்படுகிறது.
ஒவ்வொரு படத்திலும் வித்தியாசமான கதை அம்சத்தை தேர்வு செய்யும் பார்த்திபன் இந்த படத்தில் டீன் ஏஜ் குழந்தைகளின் மன ஓட்டத்தை பதிவு செய்யும் வகையில் கதையை அமைத்து உள்ளார் என்பது குறிப்பிடத்தக்கது. இந்த படத்தின் படப்பிடிப்பு தற்போது சென்னையில் நடைபெற்று வருவதாகவும் விரைவில் இந்த படம் குறித்து கூடுதல் தகவல்கள் அதிகாரப்பூர்வமாக அறிவிக்கப்படும் என்றும் கூறப்படுகிறது.