'கதை திரைக்கதை வசனம் இயக்கம்' படத்தை அடுத்து பார்த்திபன் இயக்கியுள்ள 'கோடிட்ட இடங்களை நிரப்புக' படத்தின் படப்பிடிப்பு மற்றும் போஸ்ட் புரடொக்ஷன்ஸ் பணிகள் முடிந்து ரிலீசுக்கு தயாராக உள்ளது.

இந்நிலையில் இந்த படத்தின் சென்சார் தகவல்கள் தற்போது வெளிவந்துள்ளது. இந்த படத்திற்கு சென்சார் அதிகாரிகள் 'U/A' சான்றிதழ் அளித்துள்ளனர். இதனால் இந்த படம் தமிழக அரசின் வரிவிலக்கு சலுகையை இழந்தது. இருப்பினும் இந்த படத்திற்கு நல்ல எதிர்பார்ப்பு இருப்பதால் வசூலில் வெற்றி பெறும் என்றே கருதப்படுகிறது.

சாந்தனு, பார்வதி நாயர், தம்பிராமையா, சிங்கம்புலி உள்பட பலர் நடித்துள்ள இந்த படத்தை ரீல் எஸ்டேட் கம்பெனி எல் எல் பி' மற்றும் 'பையாஸ்க்கோப் பிலிம் பிரேமர்ஸ்' இணைந்து தயாரித்துள்ளனர். இந்த படத்திற்கு சத்யா இசையமைத்துள்ளார். அர்ஜுன் ஜனா ஒளிப்பதிவில், சுதர்சன் படத்தொகுப்பில் உருவாகியுள்ள இந்த படத்திற்கு நடன இயக்குநர் பிரபு தேவா நடன இயக்குனராக பணியாற்ற்றியுள்ளார் என்பது குறிப்பிடத்தக்கது.