தமிழ் திரைப்பட தயாரிப்பாளர் சங்கத்தின் அவசர் செயற்குழு கூட்டம் நேற்று சென்னை தி.நகரில் உள்ள தயாரிப்பாளர் சங்க அலுவலகத்தில் நடைபெற்றது. இந்த கூட்டத்தில் தயாரிப்பாளர் சங்கத்தின் புதிய துணை தலைவராக பார்த்திபன் தேர்வு செய்யப்பட்டார். இதற்கு முன் துணை தலைவராக கவுதம் மேனன் இருந்தார் என்பது குறிப்பிடத்தக்கது.

மேலும் தயாரிப்பாளர் சங்கத்திற்கு பூட்டு போட்ட உறுப்பினர்களுக்கு நோட்டீஸ் அனுப்பவும், உறுப்பினர் அல்லதவர்கள் மீது சட்டப்படி நடவடிக்கை எடுக்கப்படும் என்றும் முடிவு செய்யப்பட்டது. மீடியாவில் வெளியான வீடியோவை யார் யார் பூட்டு போட்டதில் ஈடுபட்டனர் என்பதை கண்டுபிடிக்கவும் முடிவு செய்யப்பட்டது.

மேலும் தயாரிப்பாளர் சங்கத்தின் பொதுக்குழு தேதி அடுத்த செயற்குழுவில் முடிவு எடுக்கப்படும் என்றும், இளையராஜா நிகழ்ச்சியை எப்படி நடத்துவது, எவ்வாறு நடத்துவது என்பது குறித்து விவாதித்ததாகவும் இளையராஜா நிகழ்ச்சி தொடர்பாக தமிழக முதமைச்சரை சந்திக்க அனுமதி கேட்டுள்ளதாகவும் விரைவில் அவரை சந்திக்க வாய்ப்பு இருப்பதாகவும் விஷால் கூறினார்.

மேலும் ஜி.எஸ்.டி குறைப்புக்கு வரவேற்பு தெரிவித்த விஷால், இந்த நிகழ்வால் டிக்கெட் விலை குறையும் என்றும் அதனால் பொதுமக்கள் திரையங்கை நோக்கி அதிக அளவில் வருவார்கள் என்ற நம்பிக்கை மகிழ்ச்சியை அளிப்பதாகவும் தெரிவித்தார்