பார்த்திபன் நடித்து இயக்கிய ‘இரவின் நிழல்’ திரைப்படத்தின் படப்பிடிப்பு முடிவடைந்து போஸ்ட் புரொடக்ஷன் பணிகள் நடைபெற்று வருகிறது என்பதை பார்த்து வருகிறோம். உலகிலேயே முதல் முறையாக ஒரே ஷாட்டில் எடுக்கப்பட்ட இந்த திரைப்படத்திற்கு உலகம் முழுவதும் மிகப்பெரிய எதிர்பார்ப்பு ஏற்பட்டுள்ளது.

இந்நிலையில் இந்த படத்தின் இசை வெளியீட்டு விழா மற்றும் ரிலீஸ் தேதி குறித்த அறிவிப்பு வெளியாகியுள்ளது. இசைப்புயல் ஏஆர் ரகுமான் இசையமைத்த பாடல்கள் ஜூன் 5ஆம் தேதி வெளியாக இருப்பதாகவும் இந்த படம் ஜூன் 24ஆம் தேதி உலகம் முழுவதும் திரையரங்குகளில் வெளியாகும் என்று அறிவிக்கப்பட்டுள்ளது.

இதுபோன்ற முதல் முயற்சிக்கு முதல் டிக்கெட் வாங்கும் கைகளை நான் கால்களால் நினைத்து வணங்குகிறேன் என இன்று வெளியிடப்பட்டுள்ள போஸ்டர்களில் பார்த்திபன் தெரிவித்துள்ளார்.

பார்த்திபன், வரலட்சுமி சரத்குமார், உள்பட பலர் நடித்துள்ள இந்த படத்திற்கு ஆர்தர் வில்சன் ஒளிப்பதிவு செய்துள்ளார். விரைவில் வெளியாகவுள்ள இந்த படத்தின் இசை வெளியீட்டு விழா ஜூன் மாதம் நடைபெற உள்ளதாக பார்த்திபன் அறிவித்துள்ளார்.