பாலியல் குற்றச்சாட்டு குறித்து 'பரதேசி' நடிகையின் விளக்கம்
- IndiaGlitz, [Monday,May 23 2016]
கடந்த சில நாட்களாக நடிகை புவிஷா கன்னட பட தயாரிப்பாளர் வெங்கடேச பிரசாத் மற்றும் ஒளிப்பதிவாளர் உதய் ஆகியோர் மீது பாலியல் தொல்லை செய்ததாக குற்றச்சாட்டு கூறியதாகவும் இதுகுறித்து அவர் காவல்துறை புகார் அளித்துள்ளதாகவும் செய்திகள் வெளிவந்தது.
ஆனால் இந்த தகவலை நடிகை புவிஷா மறுத்துள்ளார். 'ஜில் ஜில்' என்னும் கன்னட படத்தில் தான் நடித்து வருவதாகவும், அந்த படத்திற்காக எனக்கு கொடுக்க வேண்டிய சம்பளம் குறித்து தயாரிப்பாளருடன் கருத்துவேறுபாடு இருந்தது உண்மைதான் என்றும் ஆனால் பாலியல் தொல்லை குறித்து தான் எவ்வித புகாரும் அளிக்கவில்லை என்றும் தனது சமூக வலைத்தளத்தில் விளக்கம் அளித்துள்ளார்.
நடிகை புவிஷா, பாலா இயக்கிய 'பரதேசி' படத்தில் வேதிகாவின் தோழியாகவும், 'சென்னை எக்ஸ்பிரஸ்' படத்தில் தீபிகா படுகோனே தோழியாகவும் நடித்தவர் என்பது குறிப்பிடத்தக்கது.