தனிக்கட்சி தொடங்க திட்டமா? ஓபிஎஸ் அதிரடி பதில்
- IndiaGlitz, [Wednesday,February 08 2017]
தமிழக முதல்வர் ஓபிஎஸ் அவர்கள் சமீபத்தில் தனது பதவியை ராஜினாமா செய்துவிட்ட நிலையில் மக்கள் விரும்பினால் ராஜினாமாவை திரும்ப பெற்றுவிட்டு மீண்டும் முதல்வர் பதவியை ஏற்பேன் என்று ஏற்கனவே கூறியிருந்தார்.
அதேபோல் வேறு கட்சிகளின் ஆதரவை கோர மாட்டேன் என்றும் அதிமுக எம்.எல்.ஏக்களின் ஆதரவு கிடைத்தால் மட்டுமே முதல்வர் பதவியில் நீடிப்பேன் என்றும் அவர் தெளிவுபட கூறியுள்ளார்.
இந்நிலையில் தனிக்கட்சி ஆரம்பிக்கும் திட்டம் கண்டிப்பாக இல்லை என்றும், ஒருவேளை முதல்வர் பதவி கிடைக்காவிட்டால் சொந்த ஊருக்கு சென்று அங்கு மறைந்த முதலமைச்சர் ஜெயலலிதாவிற்கு கோவில் கட்டி சேவை செய்யலாம் என்று திட்டமிட்டுள்ளதாகவும் முதல்வர் தெரிவித்தார்.