தந்தை மகிழ்ச்சி அடைந்த புகைப்படத்தை பகிர்ந்த மகன்.. 'ப்ளூஸ்டார்' நடிகரின் நெகிழ்ச்சியான பதிவு..!
- IndiaGlitz, [Saturday,March 02 2024]
‘ப்ளூஸ்டார்’ படத்தில் நடித்த நடிகர் தன்னுடைய காட்சி தொலைக்காட்சியில் வரும் போது தனது தந்தை மகிழ்ச்சி அடைந்ததை புகைப்படம் எடுத்து தனது சமூக வலைதளத்தில் நெகிழ்ச்சியுடன் பகிர்ந்து உள்ளார்.
பா.ரஞ்சித் தயாரிப்பில் அசோக் செல்வன், சாந்தனு பாக்யராஜ், கீர்த்தி பாண்டியன் உள்ளிட்ட பலர் நடித்த ‘ப்ளூஸ்டார்’ திரைப்படம் கடந்த மாதம் திரைக்கு வந்து மிகப்பெரிய வெற்றி பெற்றது என்பதும் அதன் பிறகு தற்போது இந்த படம் அமேசான் ஓடிடியில் ஒளிபரப்பாகி வருகிறது என்பதும் குறிப்பிடத்தக்கது.
இந்த படத்தின் ஒரு முக்கிய கேரக்டரில் நடிகர், இயக்குனர் பாண்டியராஜன் மகன் பிருத்விராஜன் நடித்துள்ள நிலையில் அவரது நடிப்பிற்கு ஏற்கனவே விமர்சகர்கள் பாராட்டு தெரிவித்திருந்தனர்.
இந்த நிலையில் அமேசானில் தனது தந்தை பாண்டியராஜன் ‘ப்ளூஸ்டார்’ படத்தை பார்த்த போது, அதில் தன்னுடைய காட்சி வரும்போது அவர் மகிழ்ச்சி அடைந்ததை பார்த்து நெகிழ்ச்சி அடைந்தார். இதுகுறித்த புகைப்படத்தை பிரித்திவிராஜ் தனது சமூக வலைதளத்தில் பதிவு செய்துள்ளார்.
‘ப்ளூஸ்டார்’ படத்தில் என்னை பார்த்த போது உங்கள் முகத்தில் பூத்த சந்தோசமே எனக்கு கிடைத்த மிகப்பெரிய வெகுமதியாக கருதுகிறேன். உங்களை இந்த அளவுக்கு மகிழ்ச்சியுடன் பார்க்கும்போது என்னால் வார்த்தைகளால் சொல்ல முடியாத அளவுக்கு உற்சாகத்தை உணர்கிறேன், உங்களை என்றும் நேசிக்கிறேன்’ என்று தெரிவித்துள்ளார். இந்த புகைப்படம் தற்போது இணையத்தில் வைரலாகி வருகிறது.
This one's for you, Dad. Seeing the joy on your face as you watch me in "Blue Star" is the greatest reward.
— Prithvi (@prithviactor) March 2, 2024
Love you more than words can say. ❤️
Blue Star now streaming on Amazon Prime - @primevideoin#Grateful #AmazonPrime #BlueStar #Prithvi pic.twitter.com/HxIKAk4XIm