சிவகார்த்திகேயன் படவிழாவில் மூன்று பிரபலங்கள்
- IndiaGlitz, [Monday,August 20 2018]
சிவகார்த்திகேயனின் முதல் தயாரிப்பு திரைப்படமான 'கனா' படத்தின் இசை வெளியீட்டு விழா ஆகஸ்ட் 23ஆம் தேதி நடைபெறவுள்ளது என்ற செய்தியை ஏற்கனவே பார்த்தோம். இந்த நிலையில் இந்த விழாவுக்கு மூன்று திரையுலக பிரபலங்கள் சிறப்பு விருந்தினர்களாக கலந்து கொள்ளவுள்ளனர்.
சிவகார்த்திகேயனை முதல்முறையாக 'மெரீனா' படத்தின் மூலம் ஹீரோவாக்கிய இயக்குனர் பாண்டிராஜ், சிவகார்த்திகேயனின் படங்களுக்கு தொடர்ந்து இசையமைத்து கொண்டிருக்கும் அனிருத் மற்றும் டி.இமான் ஆகிய மூவரும் 'கனா' இசை வெளியீட்டு விழாவின் சிறப்பு விருந்தினர்களாக அறிவிக்கப்பட்டுள்ளனர்.
சிவகார்த்திகேயனின் நெருங்கிய நண்பரும் பாடகருமான அருண்காமராஜ் இயக்கி வரும் இந்த படத்தில் சத்யராஜ், ஐஸ்வர்யா ராஜேஷ் முக்கிய கேரக்டர்களில் நடித்து வருகின்றனர். மேலும் இந்த படத்தில் சிவகார்த்திகேயன் சிறப்பு தோற்றத்திலும், நடிகர் தர்ஷன் முக்கிய வேடத்திலும் நடித்துள்ளனர். இந்த படம், தினேஷ் கிருஷ்ணன் ஒளிப்பதிவில், திபு நினன் தாமஸ் இசையில், இளையராஜா கலையில் ஆண்டனி எல் ரூபன் படத்தொகுப்பில் உருவாகி வருகிறது.