தென்னிந்திய நடிகர் சங்க தேர்தல் பணி காரணமாக கடந்த சில நாட்களாக படப்பிடிப்பில் கலந்து கொள்ளாமல் இருந்த விஷால், தற்போது முழூவீச்சில் படப்பிடிப்பில் கலந்து கொண்டிருப்பதாகவும், தற்போது அவர் நடித்து வரும் 'கதகளி' படம் வரும் பொங்கல் தினத்தில் ரிலீசாக வாய்ப்பு இருப்பதாகவும் கூறப்படுகிறது.

'பசங்க' பாண்டியராஜ் இயக்கத்தில் உருவாகி வரும் இந்த படத்தில் விஷாலுக்கு ஜோடியாக கேதரின் தெரசா நடித்து வருகிறார். மேலும் இந்த படத்தில் நாசர், சூரி, உள்பட பலர் நடித்துள்ளனர். ஹிப் ஹாப் தமிழா இசையமைக்கும் இந்த படத்தை விஷால்-பாண்டியராஜ் இணைந்து தயாரித்து வருகின்றனர்.

முதலில் இந்த படம் டிசம்பர் 18ஆம் தேதி ரிலீஸ் ஆகும் என அறிவிக்கப்பட்டிருந்தது. ஆனால் பாண்டியராஜ் இயக்கிய மற்றொரு படமான சூர்யாவின் 'பசங்க 2' நவம்பர் இறுதியில் வெளியாவதால், இந்த படம் பொங்கலுக்கு தள்ளிபோயுள்ளதாக கூறப்படுகிறது.

பாண்டியராஜ் இயக்கிய மூன்று படங்கள் தொடர்ச்சியாக மூன்று அடுத்தடுத்த மாதங்களில் ரிலீஸ் ஆக வாய்ப்பு உள்ளது. அதாவது 'பசங்க' நவம்பரிலும், 'இது நம்ம ஆளு' டிசம்பரிலும், 'கதகளி' ஜனவரியிலும் ரிலீஸ் ஆகும் என எதிர்பார்க்கப்படுகிறது.