விஜய் டிவியில் ஒளிபரப்பான ‘பாண்டியன் ஸ்டோர்ஸ்’ சீரியலின் முதல் பாகத்தில் நடித்த நடிகையின் கை மெஷினில் சிக்கிக் கொண்டதை அடுத்து அவர் படுகாயம் அடைந்ததாகவும் இதையடுத்து அவர் மருத்துவமனையில் தற்போது சிகிச்சை பெற்று வருவதாகவும் தகவல் வெளியாகியுள்ளது.

விஜய் டிவியில் ஒளிபரப்பான ’பாண்டியன் ஸ்டோர்ஸ்’ சீரியலின் முதல் பாகத்தில் நடித்தவர் நடிகை சாய் காயத்ரி. இவர் ’ஈரமான ரோஜாவே’, ’நீ நான் காதல்’ உள்ளிட்ட சில தொடர்களிலும் நடித்துள்ளார்.

இந்த நிலையில், சாய் சீக்ரெட்ஸ் என்ற பெயரில் அழகு சாதன பொருட்கள் தயாரிக்கும் நிறுவனத்தை சமீபத்தில் அவர் தொடங்கிய நிலையில், இவரது நிறுவனத்தில் ஹேர் ஆயில் உள்பட சுமார் 8 பொருள்கள் தயாரிக்கப்படுவதாகவும், 20க்கும் மேற்பட்டோர் பணிபுரிந்து வருவதாகவும் கூறப்பட்டது.

அவ்வப்போது தனது தயாரிப்பு பொருட்கள் குறித்து இன்ஸ்டாகிராமில் வீடியோவை பதிவு செய்து வந்த சாய் காயத்ரி, தன்னுடைய நிறுவனத்தின் மிஷினில் எதிர்பாராத விதமாக கை சிக்கிக் கொண்டதை அடுத்து காயம் அடைந்ததாகவும், தற்போது மருத்துவமனையில் சிகிச்சை பெற்று வருவதாகவும் புகைப்படங்களை பதிவு செய்துள்ளார்.

ஒன்று அல்லது இரண்டு வாரங்கள் தனக்கு ஓய்வு தேவைப்படுகிறது என்றும், ஆனால் அதே நேரத்தில் எல்லா சமூக வலைதள பக்கங்களிலும் ஆக்டிவ்வாக இருப்பேன் என்றும், எனக்கு திருஷ்டி கழிந்து விட்டது என்றும், நான் குணமடைய வாழ்த்து தெரிவித்த அனைவருக்கும் நன்றி என்றும் தெரிவித்துள்ளார்.

அவரது இந்த பதிவு தற்போது இணையத்தில் வைரல் ஆகி வருகிறது.

View this post on Instagram

A post shared by GAYATRI R (@saai_gayatri)