விஜய் அரசியல் கட்சி தொடங்கியது தனக்கு மிகவும் வருத்தமாக இருப்பதாக ’பாண்டியன் ஸ்டோர்ஸ் 2’ சீரியலில் நடித்து வரும் வெங்கட் ரங்கநாதன் தனது சமூக வலைத்தளத்தில் வெளியிட்ட வீடியோ வைரல் ஆகி வருகிறது.

தளபதி விஜய் கடந்த சில நாட்களுக்கு முன்னர் ’தமிழக வெற்றி கழகம்’ என்ற அரசியல் கட்சியை தொடங்கிய நிலையில் அவருடைய கட்சிக்கு திரையுலக பிரபலங்கள், அரசியல் பிரபலங்கள் வாழ்த்துக்களை தெரிவித்து வருகின்றனர் என்பதை பார்த்து வருகிறோம்.

இந்த நிலையில் விஜய் டிவியில் ஒளிபரப்பாகி வரும் ’பாண்டியன் ஸ்டோர்ஸ் 2’ சீரியலில் நடித்துவரும் வெங்கட் ரங்கநாதன் என்பவர் தனது இன்ஸ்டாகிராம் பக்கத்தில் வீடியோ ஒன்றை வெளியிட்டுள்ளார். அந்த வீடியோவில் அவர் கூறியிருப்பதாவது:

நமது ஒவ்வொருவர் மனதிலும் ஒரு கனவு இருக்கிறது, அதேபோல் என்னுடைய வாழ்க்கையிலும் நிறைய கனவுகள் இருந்தது. அந்த கனவு என்னவென்றால் ஒரே ஒரு காட்சியிலாவது தளபதி விஜய்யுடன் இணைந்து நடிக்க வேண்டும் என்பதுதான். அதற்கான முயற்சிகளையும் நான் எடுத்துக் கொண்டே வருகிறேன்.

ஒரு காட்சியில் அவருடன் கூட நின்றால் கூட போதும் என்று நான் தினமும் இறைவனை வேண்டிக் கொண்டு வருகிறேன். அவ்வாறு கடவுளை வேண்டி வேண்டி அது இப்போது என் மனதில் ஆழமாக பதிந்து விட்டது.

இந்த நிலையில் தளபதி விஜய் அரசியல் கட்சி தொடங்கி இருப்பதால் இன்னும் ஒரு படம்தான் நடிப்பேன் என்று கூறியிருப்பது எனக்கு மிகவும் வருத்தத்தை ஏற்படுத்தி உள்ளது. இருப்பினும் அவருடன் இணைந்து நடிக்க தொடர்ந்து முயற்சி செய்வேன்’ என்று கூறியுள்ளார்.

View this post on Instagram

A post shared by Venkatesh Renganathan (@venkat_renganathan)