'పందెంకోడి 2' ఆడియో డేట్ ఫిక్స్‌డ్‌
- IndiaGlitz, [Thursday,September 20 2018]
విశాల్..లింగుస్వామి ద‌ర్శ‌క‌త్వంలో త‌న‌కు బ్రేక్ ఇచ్చిన సినిమా 'పందెం కోడి'(సండైకోళి)కి సీక్వెల్‌గా 'పందెం కోడి 2' సినిమా చేస్తున్న సంగ‌తి తెలిసిందే. 'సండైకోళి2' పేరుతో త‌మిళంలో రూపొందుతోన్న ఈ సినిమాలో కీర్తిసురేశ్ హీరోయిన్‌గా న‌టిస్తుంది.
ఈ సినిమాలో మ‌రో హీరోయిన్ వ‌ర‌ల‌క్ష్మి శ‌ర‌త్‌కుమార్ విల‌న్ పాత్ర‌లో న‌టిస్తుంది. ద‌స‌రా సంద‌ర్భంగా ఈ చిత్రాన్ని అక్టోబ‌ర్ 18న విడుదల చేస్తున్నారు. హీరోగా న‌టిస్తున్న విశాల్ త‌న స్వంత బ్యాన‌ర్ విశాల్ ఫిలిమ్ ఫ్యాక్ట‌రీపై ఈ సినిమాను నిర్మిస్తుండ‌టం విశేషం.
లెటెస్ట్‌గా ఈ సినిమా చిత్రీక‌ర‌ణ‌ను పూర్తి చేసుకుని నిర్మాణాంత‌ర కార్య‌క్ర‌మాలు జ‌రుగుతున్నాయి. తాజా స‌మాచారం ప్ర‌కారం యువ‌న్ శంక‌ర్ రాజా సంగీతం అందించిన ఈ సినిమా పాట‌ల‌ను సెప్టెంబ‌ర్ 24న విడుదల చేయాల‌నుకుంటున్నారు.