'பாண்டவர் இல்லம்' சீரியல் நடிகைக்கு ஆண் குழந்தை: குவியும் வாழ்த்துக்கள்..!
- IndiaGlitz, [Friday,February 24 2023]
’பாண்டவர் இல்லம்’ சீரியல் நடித்த நடிகைக்கு ஆண் குழந்தை பிறந்துள்ளதை அடுத்து ரசிகர்கள் அவருக்கு வாழ்த்துக்களை தெரிவித்து வருகின்றனர்.
சன் டிவியில் ஒளிபரப்பாகி வரும் முக்கிய சீரியல்களில் ஒன்று ’பாண்டவர் இல்லம்’ என்பதும் இந்த சீரியல் மிகப்பெரிய அளவில் ரசிகர்கள் மத்தியில் வரவேற்பை பெற்றுள்ளது என்பது தெரிந்ததே.
இந்த நிலையில் இந்த சீரியலில் முக்கிய கேரக்டரில் நடித்து வரும் ரோஷிணி சமீபத்தில் கர்ப்பமான நிலையில் அவருக்கு தற்போது ஆண் குழந்தை பிறந்துள்ளதாக அறிவிக்கப்பட்டுள்ளது. ரோஷினி தனது இன்ஸ்டாகிராம் பதிவில் 2023ஆம் ஆண்டு பிப்ரவரி 20ஆம் தேதி மாலை 6.45 மணிக்கு குழந்தை பிறந்ததாக தெரிவித்துள்ளார். குழந்தையின் புகைப்படத்தை தனது இன்ஸ்டாகிராம் பக்கத்தில் ரோஷினி பதிவு செய்துள்ள நிலையில் ரசிகர்கள் அவருக்கு வாழ்த்துக்களை தெரிவித்து வருகின்றனர்
ரோஷினி 7 மாத கர்ப்பிணியாக இருந்தபோது அவருக்கு வளைகாப்பு நடந்தது. கணவர் மற்றும் குழந்தை மட்டுமே கலந்து கொண்ட அந்த வளைகாப்பு நிகழ்ச்சி எளிமையாக நடந்தது. இதுகுறித்த புகைப்படங்களையும் அவர் இன்ஸ்டாகிராமில் பதிவு செய்திருந்தார். இந்த நிலையில் தற்போது அவருக்கு குழந்தை பிறந்துள்ளதை அடுத்து குழந்தையின் புகைப்படமும் வைரலகி வருகிறது.