பாகுபலியை முறியடித்தது பத்மாவதி
- IndiaGlitz, [Thursday,October 12 2017]
எஸ்.எஸ்.ராஜமெளலியின் பிரமாண்ட திரைப்படமான 'பாகுபலி 2' இந்த ஆண்டு வெளியாகி உலகம் முழுவதும் மாபெரும் வெற்றியை பெற்றது. தென்னிந்திய படம் ஒன்று உலக அளவில் ரூ.1600 கோடிக்கும் மேல் வசூல் செய்த சாதனை தென்னிந்திய திரையுலகிற்கே ஒரு பெருமையான விஷயம்
இந்த நிலையில் பாகுபலி 2 டிரைலரை 24 மணி நேரத்தில் 11 மில்லியன் பேர் பார்த்த நிலையில் பத்மாவதி' படத்தின் டிரைலரை 24 மணிநேரத்தில் 15 மில்லியனுக்கும் மேற்பட்டோர் பார்த்து ரசித்துள்ளனர். பாகுபலி 2' படத்திற்கு இணையான பிரமாண்டம், போர்க்காட்சிகள், ரன்வீர்சிங், தீபிகா படுகோனேவின் நடிப்பு, பின்னணி இசை என அனைத்தும் சிறப்பாக அமைந்துள்ளதால் இந்த படத்தின் டிரைலர் பெரும் வரவேற்பை பெற்றுள்ளது.
சஞ்சய் லீலா பஞ்சாலி இயக்கியுள்ள இந்த படம் வரும் டிசம்பர் 1ஆம் தேதி ரிலீஸ் ஆகவுள்ளது என்பது குறிப்பிடத்தக்கது. 'பாகுபலி 2' படத்தின் டிரைலர் சாதனையை முறியடித்த 'பத்மாவதி', வசூல் சாதனையையும் முறியடிக்குமா? என்பதை பொறுத்திருந்து பார்ப்போம்.