சஞ்சய் லீலா பன்சாலி இயக்கத்தில் தீபிகா படுகோனே, ரன்வீர்சிங், ஷாஹித் கபூர் நடிப்பில் உருவான 'பத்மாவத்' திரைப்படம் பெரும் பிரச்சனைகளை சந்தித்து கடந்த வாரம் ரிலீஸ் ஆனது. இருப்பினும் ஒருசில மாநிலங்களில் இந்த படம் வெளிவரவில்லை என்றாலும் இந்தியாவில் மட்டும் ரூ.100 கோடிக்கும் மேலும், உலகம் முழுவதும் ரூ.200 கோடிக்கும் மேலும் இந்த படம் வசூல் செய்துள்ளதாக தகவல்கள் வெளிவந்துள்ளது.

பத்மாவத்' திரைப்படம் சென்னையில் ரூ.2.16 கோடியும், செங்கல்பட்டில் ரூ.3.81 கோடியும், கோவையில் ரூ.1.65 கோடியும் என தமிழகத்தில் மட்டும் சுமார் 9 கோடி வசூல் செய்துள்ளது. அதேபோல் வட மாநிலங்கள் மற்றும் உலகம் முழுவதும் சேர்த்து இந்த படம் சுமார் 230 முதல் 240 கோடி ரூபாய் வரை வசூல் செய்துள்ளதாக தகவல்கள் வெளிவந்துள்ளது.

ஷாஹித் கபூரின் திரையுலக வரலாற்றில் மிகப்பெரிய ஓப்பனிங் வசூல் கொடுத்த படமாக இந்த படம் அமைந்துள்ளது என்பது குறிப்பிடத்தக்கது.