శర్వానంద్, సాయి పల్లవి జంటగా హను రాఘవపూడి దర్శకత్వంలో రూపొందుతున్న సినిమా ‘పడి పడి లేచె మనసు’. ఈ చిత్రాన్ని ప్రసాద్ చుక్కపల్లి, సుధాకర్ చెరుకూరి సంయుక్తంగా నిర్మిస్తున్నారు. ఈ సినిమాలో శర్వానంద్ ఫుట్ బాల్ ప్లేయర్‌గా న‌టిస్తుండ‌గా.. సాయి పల్లవి మెడిక‌ల్ స్టూడెంట్ పాత్ర‌లో క‌నిపించనుంది. రొమాంటిక్ కామెడీగా తెరకెక్కుతున్న ఈ సినిమా.. ప్రస్తుతం చిత్రీకరణ దశలో ఉంది. కాగా.. చిత్రీక‌ర‌ణ పూర్తికాక‌ముందే ఈ సినిమా బిజినెస్ కూడా బాగానే జరిగిపోతోంద‌ని ఫిల్మ్‌న‌గ‌ర్ వ‌ర్గాలు ముచ్చటించుకుంటున్నాయి.

వినిపిస్తున్న క‌థ‌నాల ప్ర‌కారం..రెండు తెలుగు రాష్ట్రాల హక్కులు రూ.18 కోట్లకు అమ్ముడ‌య్యాయ‌ని తెలుస్తోంది. అంతేకాకుండా.. శాటిలైట్‌, డిజిటల్ రైట్స్‌ను కలిపితే మరో రూ.10 కోట్ల వరకు రావచ్చనీ.. ఇక ఓవర్సీస్ మార్కెట్‌తో కలుపుకుంటే.. దాదాపు రూ.35 కోట్ల వరకు వ్యాపారం జరుగుతోంద‌ని సమాచారం. ప్రస్తుతం శర్వా, సాయి పల్లవి వరుస విజయాలతో ఉండడంతో పాటు.. ఇందులో సునీల్ మళ్ళీ ఫుల్ లెంగ్త్ కామెడీ రోల్‌లో నటిస్తుండడం కూడా ఇంత భారీగా హక్కులు అమ్ముడవడానికి కారణమని తెలుస్తోంది.