నూతన నటీనటులతో పడమటి సంధ్యారాగం లండన్ లో..!
- IndiaGlitz, [Tuesday,November 15 2016]
నూతన నటీనటులు చైతు శాంతారామ్, ష‌హేల రాణి జంటగా వంశీ మునిగంటి తెర‌కెక్కించిన చిత్రం పడమటి సంధ్యారాగం లండన్ లో. గణేష్ క్రియేషన్స్ బ్యానర్ పై రూపొందిన పడమటి సంధ్యారాగం లండన్ లో చిత్రం ప్రివ్యూ ప్రసాద్ లాబ్స్ లో ప్ర‌ద‌ర్శించారు. ఈ కార్యక్రమానికి పెళ్లిచూపులు నిర్మాత రాజ్ కందుకూరి ముఖ్య అతిధిగా హాజ‌ర‌య్యారు.
ఈ చిత్రానికి నిర్మాత లండన్ గణేష్. పూర్తిగా లండన్ నేపధ్యంలో ప్రవాస తెలుగు వారి జీవన శైలిని , వారి స్థితిగతులను బ్యాక్ డ్రాప్ లో చక్కని సున్నితమైన ప్రేమ కథను మేళవించి , అద్భుతమైన పాటలు , సాహిత్యం తో అందరిని అలరించే విధంగా చిత్రాన్ని తీశామని దర్శకుడు వంశీ మునిగంటి చెప్పారు
రాజ్ కందుకూరి మాట్లాడుతూ....చక్కని చిత్రాన్ని తీసారు. లైన్ బావుంది. చక్కటి సంగీతం , నటీనటులు చక్కగా నటించారు.ఈ మంచి చిత్రాన్ని అందరూ చూడాలని కోరుకుంటున్నాను. చిత్ర నిర్మాతకి , దర్శకుడికి అభినందనలు అన్నారు. ఈ కార్యక్రమానికి సంధ్య రవి ,శాంతయ్య త‌దిత‌రులు చిత్ర యూనిట్ కి అభినందనలు తెలిపారు.