நடிகை அமலாபால் நடிப்பில் வினோத் இயக்கத்தில் ஜேக்ஸ் பிஜாய் இசையில் தயாராகியுள்ள ’அதோ அந்த பறவை போல’ என்ற திரைப்படத்தின் டிரைலர் சமீபத்தில் வெளியாகி மிகப்பெரிய வரவேற்பை பெற்றது என்பது தெரிந்ததே

அமலாபால் இந்த படத்திற்காக ரிஸ்க்கான சண்டைக் காட்சிகளில் டூப் இன்றி நடித்ததற்கு பாராட்டுக்கள் குவிந்து வருவதோடு இந்த படத்திற்காக அவர் தற்காப்பு கலையை கற்ற ஆர்வத்தையும் பலர் பாராட்டி வருகின்றனர்

இந்த நிலையில் இந்த படத்தின் ட்ரெய்லரை ரஜினிகாந்த் நடித்த ’காலா’ மற்றும் ’கபாலி’ படத்தை இயக்கிய இயக்குனர் பா ரஞ்சித் தனது சமூக வலைத்தளத்தில் பாராட்டி உள்ளார். அவர் இந்த படத்தை இஸ்ரேலின் வீதி சண்டையுடன் ஒப்பிட்டுள்ளார் என்பது குறிப்பிடத்தக்கது. அவர் இந்த படம் குறித்து கூறியதாவது:

’அதோ அந்த பறவை போல’ முன்னோட்டம் வித்யாசமாக இருந்தது. புதிய குழு. பெண்ணையும் இஸ்ரேலின் வீதிச் சண்டையையும் மையமாக வைத்து இயக்கி இருக்கும் தோழர் வினோத் அவர்களுக்கும் அமலாபால் மற்றும் படக்குழுவினர்களுக்கும் வாழ்த்துக்கள்’ என்று கூறியுள்ளார்.

முன்னோட்டம் வித்யாசமாக இருந்தது. ??????புதிய குழு. பெண்ணையும் இஸ்ரேலின் வீதிச் சண்டையையும் மையமாக வைத்து இயக்கி இருக்கும் தோழர் KR Vinoth ற்கும், @Amala_ams &குழுவிற்க்கு வாழ்த்துக்கள். #kRvinoth #adhoandhaparavaipola https://t.co/kiVBWu5sRL

— pa.ranjith (@beemji) January 20, 2020