’மாமன்னன்’ இசை வெளியீட்டு விழாவில் கலந்து கொண்ட இயக்குனர் பா. ரஞ்சித், 'தங்கலான்’, மற்றும் ‘சார்பாட்டா பரம்பரை 2’ படங்கள் குறித்த அப்டேட்டை தெரிவித்துள்ளார்

’மாமன்னன்’ இசை வெளியீட்டு விழா நேற்று சென்னையில் நடந்த நிலையில் இந்த விழாவில் பா ரஞ்சித் கலந்து கொண்டார். அதில் அவர் பேசிய போது ’பரியேறும் பெருமாள்’ மற்றும் ’கர்ணன்’ ஆகிய இரண்டு படங்களை அடுத்து மாரி செல்வராஜுக்கு இந்த படம் நிச்சயம் ஒரு மைல்கல்லாக இருக்கும். இந்த படத்திலும் அவர் ஒரு அரசியல் பேசியிருக்கிறார் என்றும் தெரிவித்தார்

மேலும் ’மாமன்னன்’ படத்தின் சில காட்சிகளை நான் பார்த்தேன், ரொம்ப அருமையாக இருந்தது, குறிப்பாக வடிவேலு அவர்கள் இதற்கு முன் யாரும் பார்த்திராத ஒரு கேரக்டரில் பார்க்கலாம்’ என்று கூறினார்

மேலும் 'தங்கலான்’, படத்தின் படப்பிடிப்பு வரும் 15ஆம் தேதி முதல் தொடங்க இருப்பதாகவும் இன்னும் 12 நாட்கள் மட்டுமே படப்பிடிப்பு இருப்பதாகவும் அவர் கூறினார். மேலும் சியான் விக்ரம் தற்போது குணமடைந்து ஜாலியாக இருப்பதாகவும் கூறினார்,

மேலும் ‘சார்பாட்டா பரம்பரை 2’ படம் குறித்து கூறிய அவர் இந்த படத்தின் பணிகள் அடுத்த ஆண்டு தொடங்கும் என்றும் அவர் கூறினார்.