பிரபல இயக்குனர் பா ரஞ்சித்தின் அடுத்த பட டைட்டில் குறித்து அறிவிப்பு வெளி வந்துள்ளது என்பதும் இந்த படத்தின் டைட்டிலுடன் கூடிய ஃபர்ஸ்ட்லுக் போஸ்டர் தற்போது சமூக வலைத்தளங்களில் வைரலாகி வருகிறது என்பதும் குறிப்பிடத்தக்கது

’அட்டகத்தி’ என்ற திரைப்படத்தின் மூலம் அறிமுகமாகி அதன் பின்னர் ’மெட்ராஸ்’ ’கபாலி’ ’காலா’ ஆகிய படங்களை இயக்கியவர் இயக்குனர் பா ரஞ்சித். இவர் தற்போது ஆர்யா நடிக்கும் ஒரு படத்தை இயக்க உள்ளார் என்பது குறிப்பிடத்தக்கது

இந்த நிலையில் ரஞ்சித்தின் தயாரிப்பு நிறுவனமான நீலம் புரொடக்ஷன்ஸ் தயாரிப்பில் ஒரு திரைப்படம் உருவாக உள்ளது. இந்த படத்திற்கு ’குதிரை வால்’ என்ற டைட்டில் வைக்கப்பட்டுள்ளது. மனோஜ் லியானெல் மற்றும் சியாம் சுந்தர் ஆகிய இரட்டையர்கள் இயக்கும் இந்த படத்தில் கலையரசன் மற்றும் அஞ்சலி பட்டீல் ஆகியோர் முக்கிய வேடத்தில் நடிக்க உள்ளனர். பிரதீப்குமார் இசையில் கார்த்திக் முத்துக்குமார் படத்தொகுப்பில் உருவாகும் இந்த படத்தின் படப்பிடிப்பு விரைவில் தொடங்கும் என்று எதிர்பார்க்கப்படுகிறது

ஏற்கனவே பா.ரஞ்சித்தின் நீலம் புரடொக்சன்ஸ் நிறுவனம், ’பரியேறும் பெருமாள்’ மற்றும் ’இரண்டாம் உலகப் போரின் கடைசி குண்டு’ ஆகிய திரைப்படங்களை தயாரித்துள்ளது என்பதும், இரண்டுமே நல்ல வரவேற்பை பெற்றது என்பதும் குறிப்பிடத்தக்கது