பா ரஞ்சித்தின் அடுத்த படம்.. வில்லனாக ஆர்யா.. ஹீரோ யார் தெரியுமா?
- IndiaGlitz, [Tuesday,June 04 2024]
பா ரஞ்சித் இயக்கத்தில் உருவாக இருக்கும் அடுத்த திரைப்படத்தில் ஆக்ரோஷமான வில்லனாக ஆர்யா நடிக்க இருப்பதாகவும் பா ரஞ்சித் அறிமுகப்படுத்திய இளம் ஹீரோ நாயகனாக நடிக்க இருப்பதாகவும் தகவல் வெளியாகி உள்ளன.
பா ரஞ்சித் இயக்கத்தில் விக்ரம் நடிப்பில் உருவான ’தங்கலான்’ திரைப்படம் ஜூலை மாதம் வெளியாகும் என்று எதிர்பார்க்கப்படும் நிலையில் அவர் தற்போது அடுத்த படத்திற்கு தயாராகி வருவதாக கூறப்படுகிறது. இந்த படம் குறித்த அறிவிப்பு விரைவில் வெளியாகும் என்றும் படப்பிடிப்பு விரைவில் தொடங்க இருப்பதாகவும் கூறப்படுகிறது.
அட்டகத்தி தினேஷ் ஏற்கனவே ‘அட்டக்கத்தி’, ‘கபாலி’ ’இரண்டாம் உலகப் போரின் கடைசி குண்டு’ போன்ற படங்களில் பா ரஞ்சித் உடன் பணிபுரிந்த நிலையில் தற்போது மீண்டும் அவர் ரஞ்சித்துடன் இணைய உள்ளார் என்பது குறிப்பிடத்தக்கது.
அதேபோல் ஆர்யா தற்போது ’மிஸ்டர் எக்ஸ்’ என்ற தமிழ் படத்தில் நடித்து முடித்துள்ள நிலையில் அடுத்ததாக பா ரஞ்சித் திரைப்படத்தில் வில்லனாக நடிக்க தயாராகி வருகிறார்.