பொண்ணும் பொண்ணும், பையனும் பையனும் லவ் பண்ணக்கூடாதா? 'நட்சத்திரம் நகர்கிறது' டிரைலர்
- IndiaGlitz, [Friday,August 19 2022]
பா ரஞ்சித் இயக்கத்தில் உருவான ‘நட்சத்திரம் நகர்கிறது’ என்ற திரைப்படத்தின் டிரைலர் சற்று முன் வெளியாகி இணையதளங்களில் வைரலாகி வருகிறது.
கலையரசன், காளிதாஸ் ஜெயராம், துஷாரா விஜயன் உள்பட பலர் நடிக்கும் இந்த படத்திற்கு தேன்மா இசையமைத்துள்ளார். கிஷோர் குமார் ஒளிப்பதிவில் செல்வா படத்தொகுப்பில் இந்த படம் உருவாகி உள்ளது.
இந்த படத்தில் ஒரு இளைஞர் கூட்டம் லவ் குறித்து டிஸ்கஸ் செய்வது தான் இந்த படத்தின் கதை என டிரைலரில் இருந்து தெரியவருகிறது. ஒரு ஆண்மீது பெண்ணுக்கு காதல் வருவது எப்படி? ஒரு பெண் மீது ஆணுக்கும் கவர்ச்சி ஏற்படுவது எதனால்? காதலித்த பின் காதல் வெற்றி பெற்றால் இருவருக்கும் ஏற்படும் மகிழ்ச்சி சந்தோஷம், இடையில் ஏற்படும் பிணக்கு ஆகியவை குறித்து நன்கு ஆய்வு செய்து இந்த படத்தை ரஞ்சித் உருவாக்கி உள்ளார் என்று தெரிகிறது.
அதேபோல் காதலுக்கு பெற்றோர் எதிர்ப்பு தெரிவித்ததால் காதலர்களுக்கு ஏற்படும் பிரச்சனை, அதனால் ஏற்படும் சண்டை சச்சரவுகள் ஆகியவைகளும் இந்த படத்தில் விரிவாக காட்டப்பட்டிருக்கும் என தெரிகிறது.
அது மட்டுமின்றி பையனும் பையனும், பொண்ணும் பொண்ணும் காதலிக்க கூடாதா? என்ற கேள்வியும் இந்த படத்தில் எழுப்பப்பட்டுள்ளது. மொத்தத்தில் காதல் குறித்து ஒரு வித்தியாசமான பார்வையில் பா ரஞ்சித் இந்த படத்தை உருவாக்கி இருப்பார் என நம்பலாம்.