'காலா' தலைப்பு ஏன்? இயக்குனர் ரஞ்சித் விளக்கம்
- IndiaGlitz, [Thursday,May 25 2017]
சூப்பர் ஸ்டார் ரஜினிகாந்த் நடிப்பில் ரஞ்சித் இயக்கவுள்ள படத்தின் டைட்டில் 'காலா' என்பதை சற்று முன்னர் பார்த்தோம். இந்த நிலையில் இந்த படத்தின் டைட்டில் குறித்து இயக்குனர் பா.ரஞ்சித் செய்தியாளர்களுக்கு விளக்கம் அளித்துள்ளார்.
'காலா' என்றால் காலன், எமன் என்று பொருள். கரிகாலன் என்பதன் சுருக்கமே 'காலா' என்று வைக்கப்பட்டுள்ளது. நெல்லை வட்டாரங்களில் எமனை 'காலா' சாமியாக வழிபடுவார்கள். மும்பையில் வசிக்கும் நெல்லை வட்டார மக்களின் வாழ்க்கையை சொல்வது தான் "காலா' படத்தின் கதை. இந்த படத்தின் படப்பிடிப்பு வரும் 28ம் தேதி தொடங்கப்பட உள்ளது. மும்பை மற்றும் சென்னையில் இந்த படத்தின் படப்பிடிப்பை நடத்த திட்டமிட்டுள்ளோம். இப்படத்தில் நடிக்கும் நடிகர்கள் குறித்த தகவல் விரைவில் வெளியிடப்படும்.
ரஜினிக்கு மிகவும் பிடித்த பெயர் கரிகாலன். இந்த தலைப்பை நான் அவரிடம் தெரிவித்ததும் அவருக்கு மிகவும் பிடித்து விட்டது. இந்த படம் வெளியிடும் தேதி பற்றி இன்னும் முடிவு செய்யப்படவில்லை. 'காலா' படத்தின் ஃபர்ஸ்ட் லுக் போஸ்டர் இன்று மாலை வெளியாகும். இவ்வாறு இயக்குனர் ரஞ்சித் தெரிவித்துள்ளார்.