ஆர்யா நடித்த 'மகாமுனி' திரைப்படம் சமீபத்தில் வெளிவந்து ஊடகங்களின் பாசிட்டிவ் விமர்சனத்தை பெற்ற நிலையில் இந்த படம் வசூல் அளவில் வெற்றிப்படமா? என்பதை இனிமேல் தான் பார்க்க வேண்டும்.

இந்த நிலையில் ஆர்யாவின் அடுத்த படத்தை சூப்பர் ஸ்டார் ரஜினிகாந்த் நடித்த 'கபாலி' மற்றும் 'காலா' திரைப்படங்களை இயக்கிய இயக்குனர் பா.ரஞ்சித் இயக்கவிருப்பதாகவும், இந்த படம் பாக்ஸிங் சம்பந்தப்பட்ட ஒரு திரைப்படம் என்றும் இந்த படம் வடசென்னை மக்களின் வாழ்க்கையை பிரதிபலிக்கும் படமாக இருக்கும் என்றும் கூறப்படுகிறது. இந்த படம் குறித்த அறிவிப்பு விரைவில் வெளியாகவுள்ளது.

'மகாமுனி' படத்தை அடுத்து சூர்யாவுடன் ஆர்யா நடித்த 'காப்பான்' திரைப்படம் வரும் 20ஆம் தேதி வெளியாகவுள்ளது. மேலும் அவர் தனது மனைவி சாயிஷாவுடன் 'டெடி' என்ற படத்தில் நடித்து வருகிறார் என்பதும் இந்த படத்தின் படப்பிடிப்பு விரைவில் நிறைவடையவுள்ளது என்பதும் குறிப்பிடத்தக்கது.