இயக்குனர் பா ரஞ்சித் இயக்கத்தில் உருவான ‘அட்டகத்தி’ திரைப்படத்தில் நடிகர் தினேஷ் நடித்த நிலையில் மீண்டும் பா ரஞ்சித் மற்றும் தினேஷ் இணையும் படம் ஒன்று உருவாக இருப்பதாக தகவல் வெளியாகியுள்ளது.

இயக்குனர் பா ரஞ்சித் தற்போது ‘தங்கலான்’ என்ற திரைப்படத்தை இயக்கி முடித்துள்ள நிலையில் இந்த படத்தை அவர் தேர்தலுக்குப் பின்னர் ரிலீஸ் செய்வார் என்று எதிர்பார்க்கப்படுகிறது. இந்த நிலையில் குறுகிய கால படைப்பாக ஒரு திரைப்படத்தை அவர் இயக்க இருப்பதாகவும் அதாவது 45 நாட்களில் படத்தை முடிக்கும் வகையில் ஒரு படம் உருவாக இருப்பதாகவும் இதற்கான பணிகளை பா ரஞ்சித் தொடங்கி விட்டதாகவும் கூறப்படுகிறது.

பா.ரஞ்சித் இயக்கும் இந்த படத்தில் ’அட்டக்கத்தி’ தினேஷ் நாயகனாக நடிக்க இருப்பதாக செய்திகள் வெளியாகியுள்ளது. பா. ரஞ்சித்தின் முதல் பட நாயகனான தினேஷ் அதன் பிறகு அவரது இயக்கத்தில் உருவான ’கபாலி’ திரைப்படத்தில் ஒரு முக்கிய கேரக்டரில் நடித்திருந்தார். இந்த நிலையில் தற்போது அவர் மீண்டும் பா. ரஞ்சித் இயக்கத்தில் உருவாகும் படத்தில் நாயகனாக நடிக்க உள்ளார் என்பதும் இந்த படம் குறித்த அறிவிப்பு விரைவில் வெளியாகும் என்றும் கூறப்படுகிறது.

’அட்டக்கத்தி’ படத்திற்கு பிறகு மீண்டும் பா ரஞ்சித் மற்றும் தினேஷ் இணைவதை அடுத்து இது ’அட்டக்கத்தி 2’ படமாக இருக்குமா? அல்லது வேறு கதை அம்சம் கொண்டதா? என்பதை பொறுத்திருந்துதான் பார்க்க வேண்டும்.