நடிகர் சங்கத்தில் பல ஆண்டுகளாக தேர்தல் முறைப்படி நடத்தவில்லை, பொதுக்குழு, செயற்குழுவை கூட்டவில்லை என்பதுதான் பிரச்சனையின் தொடக்கமாக இருந்தது. பின்னர் இந்த பிரச்சனை கொஞ்சம் கொஞ்சமாக பெரிதாகி, தற்போது விஷால் ரூபத்தில் பூதாகரமாகியுள்ளது.

இதேபோல் ஒளிப்பதிவாளர் சங்கத்திலும் தற்போது ஒருசில பிரச்சனைகள் புகைந்து கொண்டிருப்பதாகவும், விரைவில் அந்த சங்கத்திற்கும் தேர்தல் வர வாய்ப்பு இருப்பதாகவும் கூறப்படுகிறது.

தற்போது ஒளிப்பதிவாளர் சங்கத்தின் செயலாளராகவும், பெப்சி அமைப்பின் தலைவராகவும் இருக்கும் சிவா மீது பிரபல ஒளிப்பதிவாளர்களான பி.சி.ஸ்ரீராம், கண்ணன், பிரியன், ராஜிவ்மேனன் உள்ளிட்ட பலர் அதிருப்தியில் இருப்பதாகவும், விரைவில் நடைபெறவிருக்கும் ஒளிப்பதிவாளர் சங்க தேர்தலில் இவர்கள் களத்தில் குதிக்க உள்ளதாகவும் கூறப்படுகிறது. எனவே விஷால் பாணியில் இனி தமிழ்த்திரையுலகில் இருக்கும் அனைத்து சங்கங்களிலும் மாறுதல் ஏற்பட வாய்ப்பு இருப்பதாக கூறப்படுகிறது.