பிக்பாஸ் நிகழ்ச்சியின் சூப்பர் ஸ்டார் ஓவியாவை அந்த நிகழ்ச்சியின் பங்கேற்பாளர்களும், மற்றவர்களும் அவமரியாதை செய்ய முயற்சித்த நிலையிலும் ஓவியாவின் அதிரடி கெத்து சிறிது கூட குறையவில்லை என்பது நேற்றைய பிக்பாஸ் நிகழ்ச்சியின் மூலம் தெரிந்தது.

நேற்று கமல்ஹாசன் முன்பு, தான் பொய் கூறியது தவறுதான், அதற்காக வருந்துகிறேன், இனிமேல் திருத்தி கொள்கிறேன் என்று ஜூலி கூறியபோது கமல் சந்தோஷப்பட்டதாக கூறினார். ஆனால் ஓவியாவோ, 'ஜூலி திருந்தும் நபர் இல்லை என்றும், அவர் இதேபோல் பலமுறை திருந்துவதாக கூறி மீண்டும் மீண்டும் பொய் சொல்வதால் அவரை தான் நம்பத்தயாராக இல்லை என்றும் கமல் முன் கெத்தாக கூறினார்.

இதற்கு ஆடியன்ஸ்களிடம் இருந்து மிகப்பெரிய கைதட்டல் கிடைத்ததை கமல்ஹாசனே எதிர்பார்க்கவில்லை என்று அவருடைய முகபாவத்தில் இருந்து தெரிந்தது. ஜூலி உண்மையிலேயே மனம் திருந்தினால் தான் சந்தோஷமாக அவருடன் மீண்டும் பழக தயார் என்றும் ஆனால் அது நடக்குமா? என்றும் ஓவியா சந்தேகத்துடன் கமலிடம் கேள்வி எழுப்பினார். மேலும் ஜூலி தான் திருந்திவிட்டதாக கூறியபோது ஓவியா விழுந்து விழுந்து சிரித்தார். கமல் ஏன் சிரிக்கின்றீர்கள் என்று கேட்டபோது, 'என்ன சார் செய்றது எல்லாமே சிரிப்பாத்தானே இருக்குது' என்று மீண்டும் சிரிப்பை அடக்க முடியாமல் சிரித்தார். இதனை ஜூலி முறைத்து பார்த்து கொண்டிருந்தார் என்பது குறிப்பிடத்தக்கது.