பிக்பாஸ் புகழ் ஓவியா இன்று செய்தியாளர்களுக்கு அளித்த பேட்டியில் கமல்ஹாசன் அரசியலுக்கு வருவதை ஆதரிப்பதாக தெரிவித்துள்ளார். 

இந்த பேட்டியின்போது அவர் மேலும் கூறியதாவது: பிக்பாஸ் நிகழ்ச்சி தான் என்னை பிரபலப்படுத்தியது. எனக்கு வாக்களித்த அனைவருக்கும், பிக்பாஸூக்கும், மீடியா நண்பர்களுக்கும் எனது நன்றியை தெரிவித்து கொள்கிறேன். 

என்னை இந்த அளவுக்கு பிரபலப்படுத்திய மக்களுக்கு நான் எதாவது கண்டிப்பாக செய்வேன். ஏற்கனவே நான் இதுகுறித்து பிக்பாஸ் நிகழ்ச்சியின்போதே வாக்குறுதி அளித்துள்ளேன். மக்களுக்காக ஏதாவது செய்வதில் எனக்கு தனிப்பட்ட முறையில் சந்தோஷம் கிடைக்கும் என்பதால் மக்களுக்காக செய்கிறேன் என்று சொல்வதை விட எனக்காக செய்கிறேன் என்றும் கூறலாம். இதுகுறித்த அறிவிப்பை மிக விரைவில் அறிவிப்பேன்' என்று கூறினார்.

மேலும் தனக்கு அரசியல் பற்றி ஒன்றுமே தெரியாது என்றும், தான் எந்த கட்சியிலும் இல்லை என்று கூறிய ஓவியா, கமல் அரசியலுக்கு தகுதியானவர் என்றும் அவரை பற்றி தனக்கு நன்கு தெரியும் என்பதால் அவர் அரசியலுக்கு வருவதை ஆதரிப்பதாகவும் ஓவியா தெரிவித்தார்.