பிக்பாஸ் புகழ் ஓவியா பல படங்களில் நடிக்க ஒப்பந்தம் செய்யப்பட்டிருப்பதாகவும், ஒருசில படங்களில் நடிக்க பேச்சுவார்த்தை நடந்து வருவதாகவும் பல செய்திகள் அடுக்கடுக்காக தினந்தோறும் வந்து கொண்டிருக்கின்றன. ஆனால் ஓவியா நடிக்கும் படம் எவை எவை என அதிகாரபூர்வ செய்திகள் வெளிவந்ததாக தெரியவில்லை

இந்த நிலையில் சமீபத்தில் பேட்டி ஒன்றில் தான் நடிக்கும் படங்கள் குறித்து கூறிய ஓவியா, 'இப்போதைக்கு நான் 'காஞ்சனா 3' படத்தில் மட்டுமே நடிக்க ஒப்பந்தமாகியுள்ளேன். மற்ற படங்களில் நான் நடிக்கவிருப்பதாக வந்துகொண்டிருக்கும் செய்திகள் அனைத்தும் வதந்தியே என்று கூறினார்

மேலும் தனக்கு பெர்சனலாக பேய் மீது நம்பிக்கை இல்லை என்றாலும் த்ரில் படங்கள் பிடிக்கும் என்றும் அதில் தான் அடுத்து என்ன வரும் என்ற எதிர்பார்ப்பு இருக்கும் என்று கூறிய ஓவியா 'காஞ்சனா படத்தின் இரண்டு பாகங்களும் தனக்கு பிடித்த படங்கள் என்பதால் அந்த படத்தில் நடிக்க எனக்கு வாய்ப்பு கிடைத்தது மகிழ்ச்சியே என்றும் கூறினார். 

'காஞ்சனா 3' படத்தில் ஓவியாவுடன் வேதிகாவும் நடிக்கின்றார். இந்த படத்தின் படப்பிடிப்பு சமீபத்தில் தொடங்கி விறுவிறுப்புடன் நடந்து வருகிறது என்பது குறிப்பிடத்தக்கது.